Новата Honda Gold Wing 2018 долго време беше во развој, но неодамна објавеното промотивно видео ни потврди дека новиот мотоцикл ќе биде претставен оваа есен на саемот „EICMA“ во Милано на кој ќе присуствуваме.
Новата Honda Gold Wing 2018 долго време беше во развој, но неодамна објавеното промотивно видео ни потврди дека новиот мотоцикл ќе биде претставен оваа есен на саемот „EICMA“ во Милано на кој ќе присуствуваме.
Но и пред Honda и официјално да ни го претстави мотоциклот, на интернет веќе се појавија фотографии од него, комплетно претставувајќи ни го секој негов дел како и замената за неговата сестринска верзија, F6B.
Иако препознатлив како „Wing“, новиот мотоцикл радикално отстапува од веќе постоечкиот модел. Прво нешто што остава впечаток е дека новиот мотоцикл е значително полесен од актуелната верзија. Со отстранувањето на некои додатоци, мотоциклот доби многу поостар изглед кој најверојатно ќе и се допадне на помладата и технолошки фокусирана популација.
Ако погледнете под неговиот оклоп, не можете а да не забележите дека тој нема класична вилушка. Веќе знаевме дека новиот мотоцикл планира да ја отстрани класичната вилушка и да ја замени со нова наречена „hub-centre steered“ - но бидејќи Honda патентираше неколку верзии се до овој момент не знаевме која опција ќе ја одберат.
Но сликите јасно покажуваат дека победник е почистиот дизајн кој изгледа како голема велосипедска вилушка која е поврзана со главниот дел на тркалото.
Иако ова е далеку од технологијата на „Tesla“, сепак претставува значителен чекор напред. Покрај тоа што ги оддржува аналогните опции за брзина и број на вртежи, исто така има и три помали LCD екрани на кои се прикажани основните информации. Овој мотоцикл исто така има и можност да се запали без да се употребува клуч, греачи на седиштата и рачките, контрола на патувањето, а големиот TFT екран поддржува сателитска навигација.
Од сликите можеме да видиме и дека новиот „Gold Wing“ ќе може да го има и DCT менувачот на Honda. Иако на неколку слики може да се забележи кумплугот, на дел од сликите сепак го нема.
Повеќе детали за новите модели како и нивната цена очекуваме да бидат соопштени на мото шоуто во Милано кое ќе се оддржи на почетокот на ноември.
Најважни работи
-Два нови модели на „Gold Wing“
-Комплетно нова шасија и суспензија
-Електронска суспензија
-DTC менувач
