Honda ги израдува своите оф роуд фанови со еден нов концепт на мотоцикл, CRF450L Rally, кој за прв пат беше претставен на EICMA мото шоуто во Милано на почетокот на месецов. Веднаш потоа тој се појави и на Motorcycle Live во Бирмингем.

И покрај тоа што очигледно беше еден од најпопуларните мотоцикли на Honda кои беа прикажани, Јапонската компанија не сакаше да открие ништо за овој модел. Не беше соопштено какви спецификации ќе има мотоциклот ниту пак кога ќе се најде на пазарот.

Оф роуд експертот на MCN, Мајкл Гај, го виде моделот кој беше претставен на Motorcycle Live и изјави: „Тој користи рамка која изгледа иста како кај CRF450R и CRF450L кој беше претставен на почеток на годината. Рели концептот ќе има два резервоари кои ќе собираат вкупно 18 литри гориво.“

Доколку го споредите со CRF450L, овој модел можеби и нема да можете да го сметате како машина со која ќе се натпреварувате на долги патеки.

„За разлика од нивниот Дакар модел, кој има два дополнителни резервоари за гориво, кај оваа машина, на местото каде што вообичаено се наоѓа резервоарот, сега се наоѓа просторот во кој што ќе можете да го чувате алатот. Издувот е ист како и кај Дакар верзијата.“

„Исто така се чини и дека има „Sentinel“ систем како и голем TFT екран. Овие работи укажуваат на тоа дека станува збор за рели мотоцикл. Сепак, ретровизорот, трепкачите и свирката велат дека овој мотоцикл би можел да се вози и на улица.“