Ова не е стандарниот модел на кој сите сме навикнати.

Понекогаш ваквите модели се толку неверојатни и се што ни останува е само со воодушевување да гледаме во нив. Ова е еден од тие мотоцикли. Honda CB1000R е одлична платформа за ваква креација.

Овој модел самиот посебе е неверојатен. Има 1000cc inline-4 мотор кој може да се најде кај некои од спортските мотоцикли на Honda. Но кога ќе го споредите со стандардниот модел, оваа верзија не е толку пријателски настроена. Можете да ги видите спуштените шипки но сигурни сме дека првото нешто кое сите го забележуваат е неверојатната комбинација на бои.

Да ви откријам нешто. Оваа боја не е случајно добиена. Таа е специјално креирана и е неверојатна. Gannett Design и Fuhrer Moto заедно ја дизајнираа и создадоа оваа машина. Со неа тие го освоија првото место на натпреварот на персонализирани мотоцикли кој се одржа во Швајцарија. Мотоциклот исто така беше дел и од Швајцарското мото шоу кое се одржа во Цирих.

Предниот дел е малку променет во споредба со оригиналната верзија. Променета е позицијата на предните светла а стандардната вилушка е заменета со вилушка изработена од јаглеродни влакна и керамика. Со ова до 75 проценти се намалува тежината на предниот дел.

Rotobox ги обезбеди бандашите кои исто така се изработени од јаглеродни влакна. Пневматиците се на Dunlop а истите се користат и за трките на дожд во Moto2 серијата.

Наместо исправена положба на возење, на мотоциклот ќе бидете навалени малку напред. Издувот од Акраповиќ му дава една посебна убавина на задниот дел.

Повеќе фотографии од овој неверојатен модел ќе најдете на Pipeburn. Мотоциклот ќе биде преставен на неколку мото изложби ширум Европа а ако имате можност да го видите, слободно испратете ни уште фотографии.