Damon престави две нови верзии на нивниот Hypersport модел. Машините имаат послаби перформанси но и нивната цена е помала.

Препорачаната цена за Hypersport HS ќе изнесува 20.000 евра. Според информациите, оваа машина има 200bhp, може да помине 200 милји и има максимална брзина од 321 км/ч. Исто така има и Премиер верзија која чини 33.500 евра и која има единечна вилушка, Öhlins суспензија и Brembo сопирачкии.

Колку само за споредба, Hypersport SX, кој има најслаби перформанси чини околу 17.000 евра. Тој има 150bhp, опсег од 150 милји и максимална брзина од 249 км/ч.

Препорачана цена за Hypersport SE изнесува 14.000 евра. Има 100bhp, опсег од 108 милји и максимална брзина од 193 км/ч.

Меѓу моделите има голема разлика и во однос на полнењето. На SE верзијата и требаат 20 минути за да наполни 80% од батеријата. Кај SX се потребни 30 минути додека пак кај основната верзија тоа време изнесува 45 минути.

Сите модели го содржат „Copilot“ системот кој користи камери кои имаат опсег од 360 степени и кои го предупредуваат возачот доколку постои некаква опасност. „Shift“ системот пак овозможува рачките и држачите за нозе електронски да се прилагодуваат во зависност од позицијата на возење.