Како што се очекуваше, TVS Apache RR 310 дебитираше во Индија со што заврши одложувањето кое траеше речиси една година.

Но зошто толку не интересира мотоцикл кој нема да се појави на пазарот во Македонија? Бидејќи во срцето на овој мотоцикл се наоѓа BMW G310RR. Но да не заборавиме и дека овој мотоцикл изгледа навистина фантастично.

Во соработката со TVS Motor, BMW Motorrad ја развива 313cc линијата на едно цилиндрични мотоцикли, а TVS Apache RR 310 во линијата на германскиот бренд ќе стане BMW G310RR. На пазарот ќе се најде кон крајот на 2018 година и ќе им се приклучи на G310R и G310GS како мотоцикли наменети за помладата генерација.

2018 TVS Apache RR 310S 18

Но поради големото одложување, би можело да се случи BMW Motorrad како и TVS Motor да станат ирелевантни дури и пред да се појават на пазарот. Ова се должи на фактот дека сегментот од 250cc на западниот пазар забрзано станува категорија од 300cc.

Можеби ова нема да претставува голем проблем за TVS Apache RR 310 бидејќи пазарот во Индија е многу поразличен за помалите мотоцикли во споредба со пазарот во западните земји. Apache RR 310 исто така ќе стане дел од долгата линија на мотоцикли на компанијата а во која има голем број на модели од категориите 160cc, 180cc и 200cc.

TVS Apache RR 310S ќе има нешто повеќе од 34 коњски сили а во однос на шасијата, ќе ја има истата челична рамка која ќе ја најдете и кај BMW G310R и BMW G310GS. И другите додатоци кои ќе ги има овој мотоцикл се навистина модерни. Тој ќе дојде опремен со LCD табла, LED предни светла како и ABS сопирачки. Суспензијата доаѓа од KYB, а сопирачките од ByBre која е фирма ќерка на Brembo.

Неговата цена не е воопшто висока и ќе чини приближно 3000 евра.

Back To Top