Постојат одреден вид на возачи кои сакаат голема моќност кај полесни мотоцикли и доволно технологија за да се справат со сите предизвици кои ќе се појават пред нив.

Мотоциклот мора да биде брз, но пред се корисен. Новиот Speed Triple 1200 RS на Triumph е одговорот за ваквите возачи. Ајде да ја погледнеме најновата машина која доаѓа од Хинкли.

Прво, Triumph веднаш откри дека Speed Triple 1200 RS ќе биде единствениот Speed Triple засега и дека нема да има ниту R, S или пак било која друга верзија.

„Во разговор со клиентите дојдовме до заклучок дека тие ги бараат сите работи кои ги има RS“, вели Мајлс Перкинс, директор за глобален маркетинг во Triumph. „Мислам дека Triumph ги препозна навиките на потрошувачите дека го сакаат само најдоброто.“

За време на претставувањето, од компанијата соопштија дека голем дел од конкурентите на Speed Triple изгледаат како „компромисни спортски мотоцикли“ додека пак Speed Triple нуди нешто различно бидејќи првично е дизајниран за возење по улица. Геометријата на шасијата, пренос на моќта, ергономија и уште неколку други работи се намерно направени кај новиот 1200. Шефот на одделот за инжинеринг, Стјуарт Вуд, вели дека поголемата моќност не го нарушува балансот на Speed Triple бидејќи тие направиле целосно нов мотоцикл наместо да подобрат некој веќе постоечки дизајн.

„Го имате истото чуство како да ја возите претходната верзија на Speed Triple но има и нешто повеќе. Кај овој мотоцикл не ги гледавме само перформансите“, вели Вуд.

Целосно нов мотор

Од компанијата велат дека нивниот „1,160 cc triple“ мотор е нов во секој поглед. Тој е полесен од претходната верзија и има 177 коњски сили. Црвената линија е за 650 rpm повисока а и бројот на вртежи е зголемен на 92 foot-pounds при 9,000 rpm. Издувот е префрлен и сега се наоѓа на традиционалната, десна страна на мотоциклот.

Подобрени се клиповите и квачилото. Од компанијата велат дека оваа верзија е најмоќниот и најдобар Speed Triple кој некогаш бил создаден. Исто така тој е и најлесен а неговата тежина изнесува 197 килограми. Тоа сигурно ќе им се допадне на сите нивни фанови.

Технологија

Speed Triple има и нов, пет инчен, TFT екран преку кој имате приспат до системот „My Triumph“. Исто така има и quickshifter, IMU, ABS, контрола на тракцијата, контрола на предното тркало, контрола на патувањето како и пет режими на возење.

Шасија и рамка

Новиот Speed Triple намерно е дизајниран да има помала тежина и димензии. Резервоарот е потесен а седиштето е подолго. Висината на седиштето изнесува 83 сантиметри.

Суспензијата е целосно прилагодлива со Öhlins’ 43 mm NIX30 превртена вилушка како и TTX36 twin tube monoshock. За сопирањето се грижи Brembo а машината е опремена со 320mm дискови. Пневматиците се Metzeler RACETEC RR.

„Сакаме возачите да се чуствуваат природно додека го возат мотоциклот. Кога возите до самиот максимум, воопшто нема да го забележите присуството на ABS сопирачките иако тие се таму.“

Изглед

Оваа машина е компактна, агресивна и достапна во сива или црна боја. RS има амортизер изработен од карбон како и 17 инчни тркала. Целокупниот дизајн е компактен благодарение на централизираните напори на Triumph.

Уште од првото појавување на линијата во 1994 година, Triumph продаде повеќе од 100 илјади примероци од Speed Triple.

Препорачаната цена на Speed Triple 1200 RS изнесува 15.000 евра а новиот мотоцикл почнувајќи од март ќе биде достапен во две бои, Sapphire Black и Matte Silver Ice.