Се пакуваме, подготовките се направени, акредитациите се подготвени, време е да одиме во Милано каде секоја година се одржува популарниот саем „EICMA“ - најголемиот саем за мотори во светот.
Што да очекуваме од „EICMA“ оваа година? Листа на големите производители и најавените нови модели.
Се пакуваме, подготовките се направени, акредитациите се подготвени, време е да одиме во Милано каде веќе 71 година се одржува популарниот саем „EICMA“ - најголемиот саем за мотори во светот.
Иако саемот за посетителите официјално се отвора во четврток (7-ми ноември), за нас новинарите возбудувањата започнуваат во понеделник. Традиционално понеделникот е резервиран за големата прес конференција на Дукати, но секако тука се повеќе помали презентации.
Вторник и среда се денови на саемот отворени само за новинарите и увозниците на брендовите кои се претставени на саемот, и се исполнети со прес конференции и претставувања на новите модели. Имајќи во предвид дека саемот е огромен, тие два дена не се доволни за да се поминат шандовите на сите брендови и да се пренесат сите информации веднаш но ќе се трудиме да ве известуваме навремено за сите нови модели, а останатите фотографии ќе ги објавиме подоцна. Нашата посета на саемот „EICMA“ во Милано е помогната од Динамикс.
Но да не должиме, еве кои нови модели не очекуваат во Милано:
 |
Aprilia
Новото Tuono V4R ABS, како и нова верзија на добро познатата RSV4. Се очекува и нова верзија на одличниот Capo Nord 1200, но сеуште не е потврдена информацијата
 |
Веќе е познато дека новиот R1200GS Adventure ќе биде претставен на саемот, а се очекува и нов модел на R1200RT со водено ладење, како и нов S1000RR во роадстер конфигурација.
Ќе имаме прилика да го видиме R Nine-T кој што минатата година на саемот беше претставен како концепт, а сега пред нас ќе биде продукциската верзија. Секако, тука ќе биде и новиот скутер C Evolution.
 |
Дукати се на домашен терен, иако веќе го претставија 899 Panigale, се очекува на саемот да се појави новиот Scrambler барем како концепт, иако имаше шпионски фотки од неговите тестови.
Секако тука ќе биде и Panigale R Superleggera како и нова и поголема верзија на Monster.
 |
Harley-Davidson традиционално не подготвува големо изненадување во Милано, тие ги прават презентациите на новите модели во САД, но можеме да очекуваме нови варијанти на веќе постоечките модели.
Сигурно ќе имаме можност да го видиме новиот Sportster со ABS бидејќи тоа го бара законот за извоз во ЕУ. Можеби ќе видиме и нов Fat Bob?
 |
Хонда ја тестираше новата CTX1300 па ќе имаме можност да ја видиме на саемот, но она што ќе привлече повеќе внимание секако е долго очекуваниот римејк на Africa Twin. Љубителите на брзинците ќе можат да уживаат во новиот CBR1000RR, а тука ќе биде и неговиот помал брат CBR300R.
 |
Husqvarna која сега е дел од KTM, веќе ја покажа целата колекција за 2014 па не очекуваме изненадувања од нив.
Останува да видиме како КТМ ќе ја направи презентацијата на добро познатиот бренд. Дали ќе имаат заедничка или посебна прес конференција?
 |
Kawasaki пушти „случајно“ слики од новиот скутер J300 кој ќе можеме да го видиме во Милано, а интересни се шпекулациите за нов модел во Z серијата, можеби Z300?
Од зелениот тим очекуваме изненадувања на самиот саем како што е тоа вообичаено за Кавасаки, а ќе имаме можност да ви го презентираме и новиот Z1000 за 2014 кој е прекрасен.
 |
KTM ќе настапи со новиот 1290 Super Duke R како и нова верзија на 1190 Adventure.
На саемот ќе бидат претставени и новите спортски модели со мала зафатнина како што се RC125, RC200 и RC390.
 |
Слушнавме многу муабети на тема Stelvio со агрегат од 1400цц, иако нема шпионски фотки, па ќе биде чудо доколку го видиме на саемот.
Имајќи во предвид дека Гуци најчесто прави еден нов модел кој го претставува во Милано, се прашуваме што ќе биде тоа оваа година?
 |
Веќе пишувавме за новата MV Agusta Turismo Veloce со три цилиндри и 800цц. Сепак се сомневаме дека Агуста ќе остане само на тоа, останува да видиме кое друго изненадување го подготвиле за саемот.
 |
Suzuki официјално ќе го покаже новиот V-Strom 1000 како и непобедливиот скутер на саемот, Burgman.
 |
Triumph го најави новиот Thunderbird со зафатнина од 1700цц, како и нова верзија на Tiger 800.
Да се надеваме оваа година дека ќе донесат доволно прес материјали, минатата година исчезнаа за половина час.
 |
Во светот на Веспа не очекува замена за LX моделот, се зборува за можен наследник со 350цц.
Секако нема да не изненади доколку видиме нов концепт како минатата година кога беше претставена новата Vespa 946.
 |
Yamaha конечно ќе претстави замена за легендарната TDM900, најавени се новости во програмата за скутери, а очекуваме и изненадување за кое се шушка подолго време.
Ќе се потрудиме фотографиите да ги објавуваме во текот на денот, веднаш по завршувањето на саемот, а останатите материја и техничките карактеристики ќе ги оставиме за периодот по враќањето во Македонија. Доколку имате некоја посебна желба, модел на мотор, опрема или било што од саемот, само пишете ни, ќе се потрудиме да не ви останеме должни.
