MotoGP

Honda: Не очекува голем предизвик со Маркез и Лоренцо

Ќе биде голем предизвик да најдеме добар баланс во односот меѓу идните тимски колеги Марк Маркез и Хорхе Лоренцо, призна директорот на тимот Алберто Пуиг

Следете нè на:

 

Следната сезона, Хорхе Лоренцо ќе го напушти тимот на Ducati и ќе премине во Repsol Honda. Со ваквиот потег, Јапонскиот производител за прв пат по 1989 година во својот тим ќе има двајца шампиони. Објаснувајќи ја рационалноста позади ваквата одлука, Пуиг вели дека филозофијата на Honda е да потпише со најдобрите возачи, дури и тоа да им создаде дополнителни проблеми при обидот да се надминат проблемите кои би можеле да настанат помеѓу нив.

Jorge Lorenzo Ducati Team Marc Marquez Repsol Honda Team 770x433

„Тимот сака да ги има најдобрите возачи“, изјави Пуиг на прес конференцијата во пресрет на трката во Захсенринг.

„Постоеше можност да потпишеме договор со Лоренцо и одлучивме да го прифатиме ризикот. Не знам како другите тимови се справуваат со ваквите ситуации. Можеби кај нив и нема нешто вакво.“

„За Honda е важно да обезбедиме што е можно подобар мотоцикл и тој да им го дадеме на нашите возачи за тие да бидат побрзи. Секако дека тоа не е лесно. Но доколку сакавме лесни работи, тогаш немаше да бидеме дел од шампионатот. Во Honda секогаш сакаме кога се соочуваме со некои предизвик.“

Honda исто така ќе се соочи и со друг предизвик, а тоа е да го прилагоди мотоциклот на стиловите на двајцата возачи, кои пак се сосема различни. Тимскиот менаџер Тецухиро Кувата ги отфрли наводите дека актуелната верзија на RC213V е креирана исклучиво да ги задоволи потребите на Маркез.

„Во моментов го развиваме мотоциклот за Маркез но исто така и за Дани. Тој не е само за еден возач. Така ќе продолжиме и во иднина“ , вели Кувата.

„Не знаеме каква машина сака Хорхе. Но секако дека ќе се обидеме да се прилагодиме на неговите потреби. Исто така и Марк има многу барања од нас и секако дека се обидуваме да ги исполниме.“

„Ќе биде голем предизвик но ќе продолжиме да работиме на ист начин. Ако можеме да направиме добра машина за Марк и за Дани тоа значи дека нашиот технички потенцијал е добар. Следната година ќе се обидеме да направиме добра машина за Марк и за Хорхе.“

Би можело да ве интересира

Пол Еспаргаро има само една цел во текот на зимската пауза: Да оздрави.

На два дена пред официјалното претставување на MotoGP тимот на Honda, Хорхе Лоренцо ќе мора да оди на операција

За Аргентинецот, Николас Кавиглиасо, релито Дакар 2019 беше само второ учество на овој настан. Но и покрај тоа, тој доминираше на поголем дел од трката и со неговата Yamaha YFZ-400 успеа да стигне до првата позиција.

МотоГП тимот на Дукати денеска официјално го претстави Desmosedici GP19.

„Во моментов ми се случуваат навистина убави работи. Треба само да продолжам да работам. Како стареам така чувствувам дека станувам се подобар“ – Џек Милер

Австралиецот Тоби Прајс победи на Релито Дакар 2019. 31 годишниот возач ги надмина сите очекувања откако целото рели го возеше со повреда на раката. Ова е втора победа на Дакар за Прајс откако истото му успеа и во 2016 година.  Во 2017 година ја скрши ногата на четвртата етапа а минатата година заврши на второто место.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.