MotoGP

Кратчлоу: Предниот дел на Honda е нашата силна страна

Кал Кратчлоу зборува за односот меѓу намалувањето на притисокот на пневматиците и оддржувањето на предноста која ја има предниот дел на мотоциклот.

Следете нè на:

 

Не е никаква тајна дека една од целите на Honda во новата сезона е да се намали притисокот врз предната гума а со тоа да се овозможи возачите да настапат со помек пневамтик.

Но, како што вели возачот на LRC, Кал Кратчлоу, причината поради која возачите на Honda толку многу внимание посветуваат на предната гума е бидејќи предниот дел на мотоциклот е нивната најсилна страна.

„Предниот дел на мотоциклот е нашата силна страна“ , изјави Кратчлоу. „Но голем дел од времето возачите премногу се ослонуваат на предниот дел.  Ја користиме предноста се додека можеме. Поради тоа вршиме преголем притисок на предниот дел и се случуваат несреќи.“

„Во моментов, чувствувам дека предниот дел на мотоциклот не е ист како и минатата година. Барем таква е кај мене состојбата. Мислам дека мотоциклот за сезоната 2019 е подобар само треба да се прилагодам на него. Пропуштив два теста со овој мотоцикл и поради тоа се уште го немам пронајдено вистинскиот сетап.“

Cal Crutchlow txt 21 02

За време на тестот во Сепанг, Кратчлоу беше најдобриот возач на Honda.

„Севкупно гледано, HRC заврши одлична работа со новиот мотоцикл. Можеме да бидеме компетитивни и со нетрпение чекам да почне сезоната.Сепак, има простор за напредок.“

Актуелниот шампион и возач на Honda, Марк Маркез тестот во Сепанг го заврши на единаесетата позиција.Сепак, Кратчлоу вели дека тој се уште не го покажал целосниот потенцијал.

„Марк не притискаше многу. Возеше само онолку колку што му треба. Доколку сакаше можеше да биде и побрз но ова се тестови и работиме според однапред подготвена програма.“

„Мислам дека мотоциклот на Honda, и покрај топлото време, беше еден од најдобрите на патеката. Имаме уште три дена тестови и не можам да дочекам да почне тестот во Катар.“

Возачот на LRC исто така смета и дека тест возачот на Ducati, Данило Петручи ќе биде едно од изненадувањата оваа сезона.

„Петручи ќе му прави голем притисок на Довициозо“, вели Кратчлоу, додавајќи притоа дека #9 е потценет бидејќи доаѓа од Супербајк серијата.

Петручи се приклучи на MotoGP во 2012 година а претходно настапуваше во Европскиот Суперсток 1000. Кратчлоу пак е еден од само неколкуте возачи кои имаат победа во WorldSBK и MotoGP.

Последниот пред-сезонски тест ќе се оддржи оваа сабота на патеката во Катар. На патеката ќе се појави и Хорхе Лоренцо за кого ова ќе биде прв настап оваа година.

Би можело да ве интересира

На 28, 29 и 30 Јуни за првпат на овие простори ќе се одржи женски мото камп во близина на градот Салаш, Република Србија. На него е дозволено да учествуваат само девојки. Односно, оние кои возат мотори и оние кои не возат, а ја делат истата пасија со првите.

Валентино Роси вели дека имал многу проблеми на правите делови за време на одржувањето на Француската Гран При трка а неговиот мотоцикл бил многу послаб во споредба со мотоциклите на неговите ривали.

Џек Милер во Шпанија го испроба доминантниот Ducati Panigale V4 R.

Ducati тестираат замена за 959 Panigale и неговиот v-twin мотор.

„Секој викенд учиме нешто ново. Наскоро ќе бидеме подобри“  - Хорхе Лоренцо

Дали би купиле Кинески скутер од Австриска компанија кој го има знакот на Ducati?

Бидете информирани за сите новости директно на вашата е-маил адреса
Реклами

Листа на мото настани

  • 11 Мај 2019 - 11 Мај 2019
  • Фабрика Партизанка - Индустриска зона

  • 01 Јуни 2019 - 01 Јуни 2019
  • Голозинци
  • Велес

  • 02 Јуни 2019 - 02 Јуни 2019
  • Дом на млади
  • Штип

  • 07 Јуни 2019 - 08 Јуни 2019
  • Нов Парк
  • Свети Николе

  • 14 Јуни 2019 - 16 Јуни 2019
  • Кавадарци

  • 28 Јуни 2019 - 29 Јуни 2019
  • Gradski Bazen Kumanovo
  • bul.Oktomvriska Revolucija, 1300 Kumanovo

  • 28 Јуни 2019 - 29 Јуни 2019
  • Clubhouse 3313
  • Илинденска 138, Скопје

  • 26 Јули 2019 - 28 Јули 2019
  • Клубски дом
  • Планина Плачковица

Благодарност!

Ви благодариме за тоа што споделувате содржини и го поддржувате нашиот веб сајт.