Хорхе Лоренцо го прослави својот 100-ти подиум во кариерата по освоеното трето место на трката во Остин, но имаше мали фрустрации кај актуелниот светски шампион бидејќи беше 3.3 секунди послаб од победникот Марк Маркез.
Хорхе Лоренцо го прослави својот 100-ти подиум во кариерата по освоеното трето место на трката во Остин, но имаше мали фрустрации кај актуелниот светски шампион бидејќи беше 3.3 секунди послаб од победникот Марк Маркез.
Но тоа нема да влијае на Лоренцо кој изјави дека се чувствува ментално и физички посилен од минатата сезона.
Освоеното трето место е негов најлош резултат по трката во Индијанаполис 2011 година на која заврши како четврти.
Победа е победа, а трето место е трето место. Вчера бевме толку далеку од Марк и Дани, но утринава на загревањето бевме подобри. Во некои од свиоците каде што обично влегуваме во прва брзина, влеговме побрзо и тоа го подобри нашето чувство и забрзување, но сепак не беше доволно. Можеби доколку бев две десетинки побрз ќе можев да се борам со Марк и Дани. Третата позиција беше најдоброто што можевме да го направиме. Би сакал да им честитам на Кал, кој не се откажа до крај и на Марк кој е најмладиот возач кој победил на Гран При трка. Тој е феномен. Ова е важен ден за мене. Никогаш не помислив дека ќе освојам толку голем број на подиуми. Времето поминува многу брзо, ми се чини дека вчера ја остварив својата прва победа.
Хорхе ЛоренцоНеговиот клубски колега, Валентино Роси не беше задоволен од освоеното шесто место на трката во САД. Не само што беше побавен од неговиот тимски колега (13 секунди побавен) туку беше побавен и од Кал Кратчлоу кој го освои четвртото место. Патеката во Остин не беше добра за возачите на Yamaha. Колку за потсетување, Италијанскиот возач загуби дел од сопирачката.
