MotoGP

Маркез: Honda заврши добра работа што потпиша договор со Лоренцо

Марк Маркез зборува за својот нов тимски колега Хорхе Лоренцо и вели дека нема да има никакви оправдувања доколку тој го победи во сезоната 2019

Следете нè на:

 

Марк Маркез зборуваше за одлуката на Honda да потпише договор со Хорхе Лоренцо откако двајцата возачи имаа интересна борба за време на трката во Австрија. Тој вели дека нема да има никакви оправдувања доколку Лоренцо го победи во сезоната 2019.

Актуелниот лидер на табелата, Австриската трка ја заврши на втората позиција. Сепак, тој не можеше да се справи со брзината која ја има Ducati на правец. „За среќа Лоренцо од следната година нема да вози за Ducati“, изјави Маркез. „Тогаш нема да имам никакви оправдувања.“

gg744794

„Тој секогаш подоцна притиска на сопирачките но на оваа трка јас притискав дури и покасно од него. Бев многу добар на оваа трка. Но секако, тие имаат и навистина добро забрзување. За среќа од следната година тој нема да вози за нив. Тоа ќе биде добро. Мислам дека Honda донесе исправна одлука бидејќи донесе возач кој ќе може да победува со нашиот мотоцикл. Ќе биде интересно да се види како вози во Honda. Но едно е сигурно, а тоа е дека ќе биде брз.“

Иако изгледаше многу нервозно што не можеше да го претекне мотоциклот на Ducati за време на трката во Брно, Маркез вели дека е задоволен од резултатот кој го постигна во Австрија.

Дел од тоа, како што вели, се должи на стратегијата. Тој имаше одличен старт и успеа да се најде помеѓу двата мотоцикли на Ducati. Ова му помогна да може да се брани само од еден возач а не од двајцата.

„За разлика од Брно денеска се обидов. Во Чешка не се обидов бидејќи не се чувствував добро и сметав дека тоа ќе биде залудно потрошено време бидејќи имаше поголеми шанси да загубам отколку да победам. Секогаш се обидувам да ја променам мојата стратегија.“

„Уште од самиот старт се обидов да притиснам бидејќи целта беше пред мене да има само еден Ducati. Знам дека за нас е навистина тешка борбата која ја имаме со нив. Но сепак успеавме и ја постигнавме нашата цел.“

„Очекував тоа да биде Довициозо, но овој пат се натпреварував со Хорхе. Секогаш се обидувам нешто ново бидејќи по природа сум таков. Но на секој правец тој можеше да ме претекне. Навистина беше тешко да се одбраниш.“

„Но сепак се обидов да бидам во водство и во последниот круг. Но ме претекна на правецот. Се обидов да ја вратам позицијата но за малку ќе излетав надвор од патеката. Но сепак се обидов. Уживав во трката и среќен сум што ја зголемивме предноста на табелата.“

Ова е петта трка по ред како Маркез ја зголемува предноста во шампионатот. Еден од неговите ривали, Валентино Роси успеа да дојде до шестата позиција и покрај лошиот викенд кој го имаше неговиот тим. Актуелниот шампион, сега има предност од 59 бода пред најблискиот конкурент.

„Среќен сум што ја имам оваа предност бидејќи и двајцата возачи се навистина многу брзи. Важно е тоа што на патеки кои не ни одговараат , постигнуваме добри резултати. Мислам дека ова е најважно. Кога ќе пристигнеме на патека која ни одговара, ќе се обидеме да нападнеме и да освоиме 25 поени.“

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.