Франческо Бањаиа стигна до својата прва победа во Moto2 шампионатот откако успеа да се одбрани од нападите на возачот на VR46 тимот, Лоренцо Балдасари, на првата трка од сезоната која се оддржа во Катар.
Бањаиа, кој уште од самиот старт го презеде водството, речиси целата трка не беше загрозен од никого. Но така беше се до последниот круг кога возачот на VR46, кој беше зад него за време на целата трка, се обиде да го претекне. Сепак, обидите на Балдасари беа залудни, а двајцата возачи на крајот завршија со разлика од 0.112 секунди.
Алекс Маркез, кој стартуваше од пол позицијата и кој во текот на целата трка се наоѓаше блиску до Италијанските возачи, сепак не можеше да се вклучи во борбата за победа поради проблем со задната сопирачка. Тој се бореше за третата позиција со возачот на Marc VDS Kalex, Матиа Пасани кој беше многу блиску за да го претекне. Сепак, Маркез имаше среќа откако се среди проблемот со сопирачката и на крајот успеа да го задржи местото кое носи на подиумот.
Пасани на крајот се најде на четвртото место со предност од речиси 4 секунди во однос на возачите на фабричкиот тим на КТМ, Мигуел Оливеира и Бред Биндер.
Марсел Шротер, кој настапи за Dynavolt Intact GP тимот, на крајот заврши на седмата позиција и се најде пред неговиот тимски колега Чави Виерге додека пак вториот возач Sky VR46, Лука Марини, на крајот беше девети.
Хорхе Наваро ги заокружи првите десет места, а веднаш зад него се најде дебитантот Жоан Мир, кој стартуваше од 24 позиција.
Дени Кент беше најдобриот Британски возач и на крајот се најде на седумнаесетото место додека пак неговиот сонародник Сем Ловс мораше предвреме да ја заврши трката поради проблеми со менувачот.
