Michelin, eдинствениот производител на пневматици во MotoGP вели дека планира да урне неколку рекорди на нивната домашна трка во Ле Ман, Франција.

Француската компанијата на трката ќе донесе меки, средни и тврди пневматици, симетрични предни гуми и асиметрични задни гуми. Истата комбинација на компоненти ќе ја имаат и пневматиците за дожд со оглед на непредвидливите временски услови.

2017 05 gp france 00481

Откако ја научија лекцијата од минатата година, шефот на Michelin, Пиеро Томаси вели дека нивната цел овој викенд е едноставна, да бидат уште побрзи.

„По последните три трки, каде што моравме да се подготвиме за целосно нова подлога, добро е што се враќаме на патека која ја познаваме подобро. Минатата година пред трката имавме можност да тестираме во Ле Ман и тоа ни помогна да имаме успешен викенд, пневматиците одлично се покажаа и успеавме да урнеме неколку рекорди.“

„Тоа очигледно е нашата цел и за оваа година и навистина е важно за Michelin да има добар настап пред домашната публика. Ле Ман не е премногу тешка патека но сепак ви треба гума која ќе ви обезбеди добра контрола и стабилност при сопирање.“

Back To Top