MotoGP

MotoGP: Нов почеток за Морбидели

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Следете нè на:

 

Колкава промена ќе треба да направиш на твојот стил на возење?

„Ќе направам промена но таа нема да биде толку драстична бидејќи чувството кога го возите овој мотоцикл е одличено. Се чувствувам многу природно кога сум на него и се надевам дека тоа ќе продолжи и во иднина. Ќе продолжам да го правам она што ми го кажува мотоциклот. Претходниот мотоцикл беше прилично груб и се што се случуваше на него беше прилично брзо. “

Со оглед на времето кое го постигна на тестовите, се чини дека веќе се адаптираше на тимот?

„Секако, одлично е чувството кога ќе имате добро време, но тоа не значи ништо посебно бидејќи се работи само за тестови. Се уште ги учиме силните и слабите страни на мотоциклот. Се уште работиме за да откриеме каде треба да се подобриме, но тие работи доаѓаат постепено. Имаме добро време бидејќи имаме поставено добра основа но и мотоциклот е многу лесен за да се научи.“

Franco Morbidelli Text 14 01 2019

Дали борбата против Валентино ќе го промени вашиот однос?

„Тоа нема да промени ништо. Ние сме пријатели надвор од патеката. Всушност, тој ми е многу повеќе од пријател. Но кога сме на патеката се обидуваме да ја завршиме нашата работа и да го дадеме максимумот. После трката ние се уште сме пријатели.Поминуваме многу време заедно бидејќи почнав да тренирам со него од кога имав 12 или 13 години. Тоа беше дури и пред да се формира VR46 академијата. Веќе разговаравме за јаките и слабите страни на мотоциклот и се што се случува во тимот во моментов. Мислам дека од мене следната година очекува поинакви работи, да се борам за титулата и да победувам секоја недела.Можеби на некоја трка ќе можам и директно да се борам против него.“

Yamaha ни откри дека ти би требало да бидеш првата личност која ќе го добие фабричкиот мотоцикл во 2021 година. Дали тоа е и твојата цел?

„Секогаш кога излегувам на патеката се обидувам да постигнам најдобар резултат. Ако после овие две години тимот одлучи дека заслужувам фабрички мотоцикл, тогаш во ред. Ќе видиме што ќе се случи. Но, се зависи од тоа какви ќе ми бидат перформансите и дали заслужувам нов мотоцикл.“

Би можело да ве интересира

Организаторите на MotoE серијата ги потврдија причините за пожарот во Херез во кој настрада поголем дел од опремата и мотоциклите на тимовите.

Маверик Вињалес ги уништи пневматиците во обид да ги претекне своите ривали. Вели дека мора да направи промени во случај тоа да се повтори и во иднина.

Алваро Баутиста продолжува со перфектниот старт на новата сезона и стигна до нов хет трик од победи.

FIM потврди дека жалбата која тимовите ја поднесоа против Ducati ќе биде разгледана од страна на Апелацискиот суд надлежен за MotoGP а сослушувањето треба да се одржи овој месец.

Алваро Баутиста го претекна Џонатан Реа и се најде на првото место по завршувањето на слободниот тренинг во Тајланд. Двајцата возачи постојано го подобруваа своето време.

Тимскиот менаџер на Suzuki, Давиде Бривио, тврди дека новиот уред на мотоциклот на Ducati има врска со аеродинамиката. Вели дека Suzuki поднесе жалба со цел засекогаш да се реши проблемот.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.