Шестата рунда од МотоГП шампионатот која денеска се возеше на патеката Силверстоун за ГН на Велика Британија му припадна на Хорхе Лоренцо, со што шпанецот ја зголеми предноста во генералниот пласман пред Кејси Стонер на 25 бода.
Шестата рунда од МотоГП шампионатот која денеска се возеше на патеката Силверстоун за ГН на Велика Британија му припадна на Хорхе Лоренцо, со што шпанецот ја зголеми предноста во генералниот пласман пред Кејси Стонер на 25 бода.
На самиот старт на трката Бен Спиз дојде до првата позиција, а веднаш зад него се најде Кејси Стонер. Баутиста кој на вчерашните квалификации дојде до својата прва пол позиција, добро се снајде на почетокот па успеа да се задржи на третата позиција, следен од Ники Хејден. Овие четворица ја сочинуваа првата група во првите кругови од трката, и имаа мала предност во однос на втората група која ја сочинуваа Лоренцо, Довициозо и Педроза.
На 16 кругови до крајот двете групи се споија во една, а во тој момент Бен Спиз направи грешка при влез во свиокот и Кејси Стонер ја превзема водечката позиција. Ники Хејден постојано атакуваше на третата позиција на Баутиста па притоа направи две грешки, втората во која излезе премногу широко ја искористи Лоренцо да дојде до четвртата позиција.
Одличната трка продолжи и во следните кругови, Хорхе Лоренцо продолжи со агресивното возење па за кратко и третата позиција беше негова, а веднаш потоа го помина и Бен Спиз. Мешаницата на 13 круга до крајот направи неколку промени во позициите, во тој момент Стонер беше прв, па потоа следуваа Лоренцо, Баутиста, Спиз, Довициозо, Педроза, Хејден и Штефан Брадл на крајот од првата група.
Слабите трки за Спиз продолжија и на Силверстоун, одличниот старт кој го имаше Американецот не беше доволен за да проследиме добро возење, направи неколку грешки кои на 12 круга до крајот го оставија на 6-та позиција. Два круга подоцна Андре Довициозо загуби неколку позиции, а домаќинот Кал Крачлоу измами аплаузи од публиката поминувајќи го Штефан Брадл за седмата позиција.
Борбата која ја чекавме цела сезона помеѓу Стонер и Лоренцо започна на 9 круга до крајот на трката. Лоренцо успеа да влезе во вториот свиок од внатрешна страна па следевме неколку возбудливи претекнувања кои на крајот сепак завршија во полза на Лоренцо. Истовремено се одвиваше интересна борба за третата позиција помеѓу Педроза и Баутиста.
Превземањето на првата позиција за Лоренцо не беше доволна па шпанецот продолжи со одличното возење и за само еден круг имаше предност поголема од една секунда, а Стонер веќе го чувствуваше притисокот од својот клубски колега Дани Педроза и Алваро Баутиста кој беше зад него.
До крајот вредна за забележување беше бробата за втората позиција помеѓу возачите на Репсол Хонда тимот која на крајот му припадна на Стонер, одлична четврта позиција за Баутиста и шесто место за Кал Крачлоу.
Поз. | Бод. | Бр. | Возач | Тим | Км/ч | Време |
---|---|---|---|---|---|---|
1 | 25 | 99 | Jorge LORENZO | Yamaha Factory Racing | 171.5 | 41'16.429 |
2 | 20 | 1 | Casey STONER | Repsol Honda Team | 171.3 | +3.313 |
3 | 16 | 26 | Dani PEDROSA | Repsol Honda Team | 171.3 | +3.599 |
4 | 13 | 19 | Alvaro BAUTISTA | San Carlo Honda Gresini | 171.2 | +5.196 |
5 | 11 | 11 | Ben SPIES | Yamaha Factory Racing | 170.7 | +11.531 |
6 | 10 | 35 | Cal CRUTCHLOW | Monster Yamaha Tech 3 | 170.5 | +15.112 |
7 | 9 | 69 | Nicky HAYDEN | Ducati Team | 170.5 | +15.527 |
8 | 8 | 6 | Stefan BRADL | LCR Honda MotoGP | 170.0 | +22.521 |
9 | 7 | 46 | Valentino ROSSI | Ducati Team | 169.1 | +36.138 |
10 | 6 | 8 | Hector BARBERA | Pramac Racing Team | 168.7 | +41.328 |
11 | 5 | 41 | Aleix ESPARGARO | Power Electronics Aspar | 167.3 | +1'03.157 |
12 | 4 | 14 | Randy DE PUNIET | Power Electronics Aspar | 167.3 | +1'03.443 |
13 | 3 | 51 | Michele PIRRO | San Carlo Honda Gresini | 167.0 | +1'07.290 |
14 | 2 | 77 | James ELLISON | Paul Bird Motorsport | 166.5 | +1'14.782 |
15 | 1 | 68 | Yonny HERNANDEZ | Avintia Blusens | 166.5 | +1'15.108 |
16 | 5 | Colin EDWARDS | NGM Mobile Forward Racing | 165.5 | +1'29.899 | |
17 | 9 | Danilo PETRUCCI | Came IodaRacing Project | 164.9 | +1'40.302 | |
18 | 22 | Ivan SILVA | Avintia Blusens | 164.1 | +1'52.099 | |
19 | 4 | Andrea DOVIZIOSO | Monster Yamaha Tech 3 | 160.7 | 1 Круг | |
Без пласман | ||||||
54 | Mattia PASINI | Speed Master | 164.3 | 6 Круга |
Генерален пласман
Поз. | Возач | Мотор | Земја | Бодови |
---|---|---|---|---|
1 | Jorge LORENZO | Yamaha | SPA | 140 |
2 | Casey STONER | Honda | AUS | 115 |
3 | Dani PEDROSA | Honda | SPA | 101 |
4 | Cal CRUTCHLOW | Yamaha | GBR | 66 |
5 | Andrea DOVIZIOSO | Yamaha | ITA | 60 |
6 | Valentino ROSSI | Ducati | ITA | 58 |
7 | Alvaro BAUTISTA | Honda | SPA | 58 |
8 | Stefan BRADL | Honda | GER | 51 |
9 | Nicky HAYDEN | Ducati | USA | 49 |
10 | Hector BARBERA | Ducati | SPA | 37 |
11 | Ben SPIES | Yamaha | USA | 35 |
12 | Aleix ESPARGARO | ART | SPA | 20 |
13 | Randy DE PUNIET | ART | FRA | 11 |
14 | Michele PIRRO | FTR | ITA | 9 |
15 | James ELLISON | ART | GBR | 7 |
16 | Mattia PASINI | ART | ITA | 6 |
17 | Karel ABRAHAM | Ducati | CZE | 4 |
18 | Colin EDWARDS | Suter | USA | 4 |
19 | Danilo PETRUCCI | Ioda | ITA | 4 |
20 | Yonny HERNANDEZ | BQR | COL | 4 |
21 | Ivan SILVA | BQR | SPA | 1 |