MotoGP

MotoGP: Продолжува соработката меѓу Repsol и Honda

Марк Маркез и неговиот нов тимски колега Хорхе Лоренцо ќе продолжат да ги носат боите на Repsol и во сезоните 2019 и 2020

Следете нè на:

 

Repsol  го продолжи спонзорскиот договор со фабричкиот MotoGP тим на Honda. Соработката која започна во 1995 година ќе трае најмалку до завршувањето на сезоната 2020. Заедно имаат освоено 13 титули кај возачите како и 163 победи од кои последната беше на трката која се возеше во Холандија.

IMGP7636

Меѓу најпознатите возачи кои ги носеле боите на Repsol Honda се Мик Дуан, Алекс Кривие, Валентино Роси, Ники Хејдн, Кејси Стонер, Андреа Довициозо и Дани Педроса.

Во сезоните 2019 и 2020, нов тимски колега на Марк Маркез ќе му биде Хорхе Лоренцо. Двоецот има освоено седум од последните осум шампионати. Исклучок беше титулата која ја освои Кејси Стонер во 2011 година, повторно за тимот на Repsol Honda.

„Задоволство ни е што можеме да потврдиме дека го продолживме договорот со Repsol за дополнителни две години,“ изјави претседателот на HRC, Јошишиге Номура. „Следната сезона ќе одбележиме 25 години соработка, достигнување на кое сме многу горди. За време на тој период, заедно се соочивме со многу предизвици кои се појавија поради брзиот напредок на технологијата, големата конкуренција и големиот интерес за MotoGP низ светот.“

„Сакаме да ја продолжиме оваа наша соработка и да постигнеме уште поголем успех и во иднина.“

Бегоња Гарција, директорот за комуникации на Repsol, додаде: „Многу сме среќни што ја продолживме соработката со Honda. Нашиот сојуз следната година ќе прослави 25 години соработка и тоа е нешто многу повеќе од само еден обичен договор за спонзорство.“

За разлика од Honda, Yamaha сѐ уште го нема продолжено договорот со Movistar кој истекува по завршувањето на оваа сезона. Во меѓувреме, Monster, кој ќе ја прекине соработката со Tech 3 е во потрага по нов тим.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.