MotoGP

MotoGP: Роси размислува за радикална промена кај Yamaha

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Следете нè на:

 

После уште една разочарувачка трка во Мизано, Роси вели дека сега можеби е вистинското време да се направи промена на конфигурацијата на моторот. Во моментов единствено Yamaha и Suzuki се производителите кои користат реден мотор. Роси веднаш по трката во неделата јавно праша дали премин на V4 ќе направи разлика за нив.

rossi motori sanmarino

Откако заврши на седмото место на трката која има големо значење за него, а неговиот тимски колега, Маверик Вињалес беше само две места подобар, двоецот уште еднаш доживеа разочарување и покрај тоа што забележаа добар резултат на последниот тест на патеката во Мизано. Но за време на главниот настан, тие повторно се соочуваа со проблеми, пред се со тракцијата, проблем со кој се соочуваат веќе две години.

V4 конфигурацијата која во моментов ја користат модели на Honda, Ducati, KTM и Aprilia, може да обезбеди моќ на таков начин што ќе ја подобри тракцијата. Но Роси вели дека со оглед на проблемите со кои се соочуваат во изминативе неколку години, би сакал да испробаат нови работи кои би помогнале да се надминат проблемите следната сезона.

„Постојат големи шанси дека моторот е главен проблем. Ducati и Honda научија многу од Yamaha во изминативе неколку години бидејќи нивните мотори беа премногу агресивни. Тие ги направија нивните мотоцикли да изгледаат многу на нашите, но разликата можеби лежи во нивниот V, а нашиот реден мотор.“

Но иако Роси се надева дека следната година ќе има драстична промена, сепак признава дека во моментов Yamaha не може да се носи со нивните ривали. Мачејќи се во поголемиот дел од изминативе две сезони, Роси стравува дека тимот можеби веќе ја пропуштил шансата за победа оваа сезона, победа со која би се прекинала најлошата серија во историјата на екипата.

„Навистина е чудо што сум на третото место на табелата со оглед на проблемите со кои се соочуваме. Последните три сезони ги започнавме одлично, но во вториот дел од сезоната имавме проблеми. Ако ги погледнете моите резултати, ќе видите дека секогаш освојував повеќе места на подиумот во првиот дел од сезоната. Се чини дека Ducati and Honda имаат начин како да го подобрат мотоциклот, а и ние мораме да го направиме тоа.“

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.