MotoGP

MotoGP тест во Херез: Зарко верува дека неговиот стил на возење може да функционира и во КТМ

„Новиот фабрички возач на КТМ, Јохан Зарко, нема да се обиде да го копира агресивниот стил на возење на Пол Еспаргаро“

Следете нè на:

 

Јохан Зарко е убеден дека нема да мора да го менува својот стил на возење откако премине од Yamaha во KTM.  Французинот, кој заврши на шестото место на трката во Малезија, се најде на 19. И 21. место на тестовите кои се оддржаа на патеките во Валенсија и Херез. RC16 делува како опасна машина кога со неа настапува Пол Еспаргаро, но Зарко вели дека нема потреба да го копира неговиот стил на возење за да постиггне напредок со Австриската машина.

„Морам да ја најдам мојата основа бидејќи нема да возам како Пол. Понекогаш ќе се обидат да ги правам истите работи како него, но не можам целосно да го копирам,“ објасни Зарко по завршување на тестот во Херез. „Знам дека мојот стил е добар, бидејќи како што видовте на последниот тест, бев конзистентен. Кога имам добро чувство на мотоциклот, можам да постигнам добри резултати.“

Французинот мислеше на последните кругови од тестот во Херез кога го постигна своето најдобро време.

 „Иако за време на последниот круг успеав да го подобрам мојот резултат за само една десетинка, се чувствував добро на мотоциклот и бев конзистентен. Дури и кога не се подобруваме во однос на брзината, ја подобруваме конзистентноста. Ова значи дека се движиме во правата насока но за добри резултати е потребно време.“

Уште една причина за оптимизам кај Зарко е тоа дека имаат подобро забрзување. „Треба да ја најдеме вистинската основа за побрзо да постигнеме добри резултати. Се уште работиме на тоа. Веќе се забележува напредок бидејќи секој пат кога ќе излезам на патеката постигнуваме подобар резултат. Ова значи дека се движиме во вистинската насока. “

Но за да постигне уште подобар резултат, на Зарко му требаат подобри перформанси во свиците.

Zarko 2

„Мислам дека најмногу треба да се подобриме при вртењето. Тука имаме мали проблеми. Но сепак тестот во Херез беше одличен и забележав некои работи кои ќе ми помогнат да имам подобра контрола над мотоциклот.“

Пол Еспаргаро, кој го освои првиот подиум за тимот на трката во Валенсија, повторно беше најдобар возач на екипата. А новите Tech3 KTM мотоцикли завршија на 23, односно 25 место. Со нив возеа поранешниот тимски колега на Зарко, Хафиз Сиахрин како и дебитантот Мигуел Оливеира.

Тест возачите на КТМ, Дани Педроса и Мика Калио, се очекува подоцна во текот на овој месец повторно да се вратат на патеката во Херез за да помогнат во развојот на 2019 RC16 во пресрет на следниот тест кој ќе се оддржи во Фебруари на патека во Сепанг.

Би можело да ве интересира

Новиот возач на Repsol Honda ќе го пропушти првиот тест од сезоната 2019 поради операција на раката

Имавме разговори со Педроса. Бевме многу блиску до договор - Разлан Разали, извршен директор на Sepang

Пол Еспаргаро има само една цел во текот на зимската пауза: Да оздрави.

На два дена пред официјалното претставување на MotoGP тимот на Honda, Хорхе Лоренцо ќе мора да оди на операција

За Аргентинецот, Николас Кавиглиасо, релито Дакар 2019 беше само второ учество на овој настан. Но и покрај тоа, тој доминираше на поголем дел од трката и со неговата Yamaha YFZ-400 успеа да стигне до првата позиција.

МотоГП тимот на Дукати денеска официјално го претстави Desmosedici GP19.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.