MotoGP

Petronas SIC Yamaha подготвен за деби во MotoGP

Тешко е да се чува тајна во MotoGP. А една од најлошо чуваните тајни беше онаа дека Сепанг Интернационалната патека или скратено SIC, планира да има свој MotoGP тим.

Следете нè на:

 

Тешко е да се чува тајна во MotoGP. А една од најлошо чуваните тајни беше онаа дека Сепанг Интернационалната патека или скратено SIC, планира да има свој MotoGP тим.

Откако за прв пат се појавија гласини дека се заинтересирани да имаат свој MotoGP тим, оттогаш постојано се појавуваше по некоја информација. Но сега речиси имаме конечна слика. Оваа информација официјално ќе биде потврдена на патеката во Силверстоун каде што во петок ќе се оддржи прес конференција.

5b3ddc3b0ee6940b7f349c23 sic yamaha el nuevo equipo de motogp

Еве што досега знаеме: тимот ќе биде екстензија на актуелниот Petronas Sprinta Racing за кој во моментов возат Адам Нородин и Ајуми Сасаки во Moto2 и Ники Тули во Moto3 серијата.

Целта е да имаат по двајца возачи во секоја од сериите, а исто така планирано е да бидат дел и од FIM CEV Junior World Moto3 шампионатот.

Актуелниот менаџер на тимот Petronas Sprinta, Јохан Штигефелт ќе продолжи да биде одговорен за тимот во сите три класи. Сепак менаџментот на MotoGP тимот ќе му биде доделен на Вилко Зеленберг кој во моментов е задолжен за анализа на возењето на Маверик Вињалес.

Бидејќи Зеленберг ќе има премногу обврски, наскоро се очекува да биде објавено и кој ќе биде тренерот на возачите.

Иако се уште не е официјално објавено, возачи на тимот ќе бидат Франко Морбидели и Фабио Куартараро.

Petronas има доволно голем буџет за да добие подобар мотор од Yamaha во споредба со Tech3. Морбидели ќе вози со речиси идентична М1 додека пак Куартараро најверојатно ќе вози со сателитски мотоцикл.

Рамон Форкада ќе се приклучи на екипата и во иднина ќе биде шеф на тимот на Франко Морбидели. Тимот во голем дел ќе биде составен од поранешни вработени во Marc VDS MotoGP кој ќе ја напуштат серијата во 2019 година.

На прес конференцијата ќе присуствува извршниот директор на SIC, Разлан Разали како и претседателот на SIC, Азман Јахја. Извршниот директор на Petronas, Ван Зулкифле исто така ќе биде дел од настанот заедно со Малезискиот министер за млади и спорт Сајед Садик.

Целта на тимот во прв план е да се промовираат Малезиските, а потоа и Азиските таленти  но исто така, како што велат, ќе се обидат да го направат тимот успешен во сите сегменти од натпреварувањето.

Ова е и една од причините зошто на тимот му требаше толку време да се комплетира. Првично, Petronas и SIC сакаат да имаат некој познат возач и голем дел од своето време го потрошија во обид да ги убедат најпрво Хорхе Лоренцо, а потоа и Дани Педроса да му се приклучат на тимот.

Лоренцо се одлучи за сигурноста која ја дава фабрички тим додека пак Педроса соопшти дека веќе нема желба да биде дел од натпреварувањето.

Франко Морбидели веќе беше многу блиску да стане дел од тимот со оглед на тоа дека потекнува од познатата VR46 академија. Сепак тимот одлучи да се коцка со младиот Фабио Куартараро наместо да се обиде да го привлече далеку поискусниот Алваро Баутиста.

motul makeodnija

Би можело да ве интересира

MotoGP шампионот, Марк Маркез, вели дека шасијата, перформансите на моторот како и поголемата концентрација се главните причини зошто има толку малку инциденти за време на трките.

Денеска ви носиме нови вести околу продажбата на мотоцикли.

Малата разлика во поразите на трките во Катар и Муџело покажува дека возачот на Honda е способен да победи на патеките кои му одговараат на мотоциклот на Ducati.

„Ги финализираме преговорите со возачот и неговиот менаџер. Се надеваме дека наскоро ќе ја слушнеме нивната одлука“ - Алекс Маркез ќе остане дел од Moto2 и ќе вози за Marc VDS?

Една од најинтересните работи кои ги видовме за време на WorldSBK трката која се возеше во Лагуна Сека беше преставувањето на најновиот модел кој ни доаѓа од фабриката во Болоња, Ducati Panigale V4 25° Anniversario 916.

Вообичаено, ова би требало да биде најдобриот период за забавниот парк во Калифорнија, но тој е затворен поради реновирање.

Бидете информирани за сите новости директно на вашата е-маил адреса
Реклами

Листа на мото настани

  • 26 Јули 2019 - 28 Јули 2019
  • Клубски дом
  • Планина Плачковица

  • 10 Август 2019 - 10 Август 2019
  • Сè уште непознато
  • Битола

  • 24 Август 2019 - 24 Август 2019
  • Сè уште непознато
  • Прилеп

  • 31 Август 2019 - 01 Септември 2019
  • Патека Плевен
  • Долна Митрополија, Бугарија

  • 07 Септември 2019 - 09 Септември 2019
  • Република Македонија

Благодарност!

Ви благодариме за тоа што споделувате содржини и го поддржувате нашиот веб сајт.