Она што се навести на тренинг сесиите се претвори во реалност, почетникот во МотоГП класата Марк Маркез дојде до првата пол позиција во својата кариера!
Она што се навести на тренинг сесиите се претвори во реалност, почетникот во МотоГП класата Марк Маркез дојде до првата пол позиција во својата кариера!
Младиот возач на Репсол Хонда тимот покажа дека на патеката „Circuit of the Americas“ ќе ги намачи големите ѕвезди уште во подготвителниот период. Пред сезонските тестови на патеката во Остин поминаа во негов знак, а истото се случуваше и овие два дена во кои од четири тренинг сесии Маркез имаше најбрзо време на три. Единствен возач кој успеа да го симне од провизорната пол позиција беше неговиот клубски колега, Дани Педроса.
Трет возач кој ќе стартува од првиот ред на утрешната трка е актуелниот Светски шампион Хорхе Лоренцо. Она што беше изненадување е слабиот резултат на неговиот клубски колега, легендарниот Валентино Роси кој трката ќе ја започне од осмата позиција.
Од вториот ред ќе стартува фантастичниот Кал Крачлоу кој продолжува со одличните резултати на неговата „сателитска“ Јамаха. Тој ќе биде следен од Штефан Брадл кој исто така покажа одлично возење, а последен возач во вториот ред и највисоко пласиран возач на Дукати, Андреа Довициозо.
Поз. | Бр. | Возач | Тим | Мотор | Км/ч | Време | Разлика |
---|---|---|---|---|---|---|---|
1 | 93 | Marc MARQUEZ | Repsol Honda Team | Honda | 341.6 | 2'03.021 | |
2 | 26 | Dani PEDROSA | Repsol Honda Team | Honda | 339.1 | 2'03.275 | 0.254 / 0.254 |
3 | 99 | Jorge LORENZO | Yamaha Factory Racing | Yamaha | 335.0 | 2'04.100 | 1.079 / 0.825 |
4 | 35 | Cal CRUTCHLOW | Monster Yamaha Tech 3 | Yamaha | 332.4 | 2'04.267 | 1.246 / 0.167 |
5 | 6 | Stefan BRADL | LCR Honda MotoGP | Honda | 336.8 | 2'04.445 | 1.424 / 0.178 |
6 | 4 | Andrea DOVIZIOSO | Ducati Team | Ducati | 336.5 | 2'04.873 | 1.852 / 0.428 |
7 | 19 | Alvaro BAUTISTA | GO&FUN Honda Gresini | Honda | 335.7 | 2'04.942 | 1.921 / 0.069 |
8 | 46 | Valentino ROSSI | Yamaha Factory Racing | Yamaha | 335.2 | 2'05.380 | 2.359 / 0.438 |
9 | 41 | Aleix ESPARGARO | Power Electronics Aspar | ART | 320.1 | 2'05.389 | 2.368 / 0.009 |
10 | 69 | Nicky HAYDEN | Ducati Team | Ducati | 336.5 | 2'05.568 | 2.547 / 0.179 |
11 | 38 | Bradley SMITH | Monster Yamaha Tech 3 | Yamaha | 334.1 | 2'06.740 | 3.719 / 1.172 |
12 | 11 | Ben SPIES | Ignite Pramac Racing | Ducati | 333.8 | 2'07.044 | 4.023 / 0.304 |
Недела
Загревање: 16:40-17:00
Трка: 21:00
На СпортКлуб каналот во живо утре ќе се пренесува МотоГП трката со почеток од 21 часот по наше време. Организирано гледање ќе има во Мотори Паб (локалот во кругот на Максима), а за оние кои не се во можност да дојдат или да ја гледаат трката на ТВ, стриминг ќе има на sportlemon.tv/c-10.html