Објавена е конечната верзија на календарот за MotoGP сезоната 2020

Потврдена е финалната верзија на MotoGP календарот за сезоната 2020. Датите и местата остануваат исти како што беа и на привремениот распоред а единствена разлика е тоа што трката во Брно, Република Чешка, веќе не е предмет на договор.

Исто така, под знак прашалник останува и патеката во Финска, КимиРинг, која уште нема добиено официјално одобрение.

После официјалните предсезонски тестови во Сепанг и Лосаил, сезоната 2020 ќе почне со трката во Катар на почетокот на март.

Трката во Тајланд, наместо во октомври ќе се оддржи на 22-ри март а потоа тимовите од MotoGP шампионатот заминуваат во Остин, која останува трета трка од сезоната откако го промени местото со Аргентина.

Промени има и кај трката која се вози во Заксенринг и која сега ќе се оддржи пред онаа која се вози во Асен. Трката во Финска е закажана за 12-ти јули а претходно имаме три неделна пауза.

 Последните неколку трки остауваат исти. Најпрвин е триото Мотеги – Филип Ајленд – Сепанг а шампионатот ќе заврши кон средината на ноември со трката во Валенсија.

Официјални тестови после трките ќе има по завршувањето на трката во Херез и Барселона. Специјален тест за пневматиците ќе се оддржи на КимиРинг помеѓу 15-ти и 16-ти јуни а приватен MotoGP тест ќе имаме во Мисано помеѓу 15-ти и 16-ти септември.