MotoGP

Сете Жиберно се враќа од пензија и ќе настапи во MotoE

Поранешниот MotoGP возач Сете Жиберно после десет години ќе се врати од пензија и со Pons Racing ќе биде дел од MotoE серијата

Следете нè на:

 

45 годишниот возач следната сезона ќе се врати на трките и ќе биде дел од првата сезона на MotoE шампионатот. Тој ќе вози електричен мотоцикл и ќе биде дел од Pons Racing, тимот за кој настапуваше во 1995 година кога беше дел од 250cc серијата.

Жиберно, кој во сезоните 2004 и 2005 го освои второто место на табелата во MotoGP шампионатот е најновиот возач кој ќе биде дел од овој шампионат. Минатата недела истото го најавија и Ренди де Пуние, Николо Канепа и Бредли Смит.

Шпанскиот возач веќе забрзано се подготвува за настап и вели дека со нетрпение ја очекува првата трка.

„Досега ниту еднаш не помислив дека повторно ќе бидам дел од некој шампионат, но животот постојано ве изненадува,“ изјави Жиберно. „Но после 10 години без никакви натпреварувања, повторно се враќам.“

„Сакам да му се заблагодарам на Сито за оваа можност. Тој иснистираше токму јас да возам. Ќе дадам се од себе за да не го разочарам. Навистина сум среќен но во исто време и возбуден што ќе имам можност да настапам со оваа нова генерација на електрични мотоцикли.“

gibernau 2

Сито Понс исто така е задоволен што токму Жиберно ќе биде дел од неговиот тим. Уверен е дека и покрај долгото отсуство од трките, тој е подготвен за настап.

„Кога прв пат се појави новиот MotoE Светски Шампионат, веднаш знаевме дека сакаме да бидеме дел од него. Електричните мотоцикли се иднината на овој спорт и горди сме што сме дел од ова,“ изјави Понс.

„Знаевме дека треба да имаме искусен возач и не гледам подобра опција отколку Сете Жиберно за овој проект. “

„Уверен сум дека е подготвен и дека ќе даде се од себе исто како што го правеше тоа и во минатото. Неговото искуство и способност го прават да биде дел од најдобрите возачи. Навистина сум среќен што заедно ќе бидеме дел од овој нов предизвик.“

Тестирањето за првата MotoE сезона ќе се оддржи во Херез од 23-ти до 25-ти ноември. Првата трка ќе се одджи во мај на истата патека, а потоа ќе следуваат и трки во Ле Ман, Захсенринг, Шпилберг и Мизано.

Жиберно беше дел од тимот на Repsol Honda во поранешната 500cc категорија помеѓу 1998 и 2000 година. Во текот на тој период, на подимот се искачи пет пати. Помеѓу 2003 и 2005 година беше дел од Gresini тимот.

Би можело да ве интересира

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.