MotoGP

Силверстоун: Зарко сака и во иднина да биде дел од MotoGP

„Ќе си заминам како човек кој е гладен да се врати“ - Јохан Зарко

Следете нè на:

„Ќе си заминам како човек кој е гладен да се врати“ - Јохан Зарко

Јохан Зарко е убеден дека неговата MotoGP кариера нема да заврши по трката во Валенсија која ќе се одржи во ноември. Французинот ги изненади сите откако реши да го раскине договорот со КТМ после само една сезона. Со таквата одлука, тој остана без место на патеката во сезоната 2020.

Единствено место кое се уште не е потврдено е она на Такааки Накагами во LCR, но според информациите, продолжувањето на договорот е само формалност и ќе се случи во следните неколку дена.

Зарко пак е категоричен дека ниту еден тим не ми влијаел врз донесувањето на одлуката.

„Беше многу важно да оставам да поминат неколку денови. Исто така сакав на сите поважни луѓе кои се дел од трките да им ја објаснам мојата одлука,“ изјави Зарко.

Французинот вели дека главна цел во моментов му е да најде место во некој тим преку кое ќе биде поблиску до трките и кое ќе му овозможи веднаш да се врати на натпреварувањето.

 DSC2893 copy

„Една од најдобрите опции е да бидам тест возач. На тој начин ќе можам да го одржам контактот со MotoGP мотоциклот, ќе имам шанса да извозам многу кругови и да го подготвам телото и умот за следните предизвици.“

„Ќе видиме сега која врата ќе се отвори. Но ако станам тест возач, тоа не значи дека ќе се пензионирам туку дека сум возач кој е гладен што е можно побрзо да се врати на трките.“

„Единственото прашање кое се поставува е ако не возите 20 трки во текот на сезоната, дали ќе загубите дел од вашата брзина?“

Зарко вели дека е подготвен и за настап во Moto2 серијата каде што беше шампшион во сезоните 2015 и 2016. Но сепак тоа беше еден поинаков период кога возачите настапуваа со 600cc Honda за разлика од денеска каде што ги имаме 765cc моторите на Triumph како и Magneti Marelli ECU.

„Мислам дека тоа не е лоша опција особено ако сум дел од некој добар тим. Така ќе имам можност да се борам за титулата и да ги одржам врвните перформанси.“

Зарко сепак не е воодушевен од идејата за премин во Супербајк серијата.

„Тоа би можело да биде една од опциите но мислам дека најдобро би било да сум поблиску до MotoGP, па дури тоа да значи и премин во Moto2.“

Најдобра можност за Зарко да стане дел од некој тест тим е Yamaha со оглед на шесте места на подиумот и четирите пол позиции кои ги постигна во минатото со М1. Сепак, преминот во тимот ќе зависи и од тоа дали Европскиот тест возач, Јохан Фолгер, ќе остане на истата позиција или пак ќе стане дел од Moto2.

motul makeodnija

Би можело да ве интересира

Со денешното соопштение челниците на Дорна, ФИМ и ИРТА ставија крај на шпекулациите за годинешниот шампионат, отпаѓаат Аргентина, Тајланд и Малезија, а во календарот е додадена трка на 22 ноември на патека која дополнително ќе биде објавена но ќе биде во Европа.

Патеката Херез во Шпанија ќе биде домаќин и на втората трка во сезоната. Во продолжение следува распоредот за сите сесии.

Сезоната во брзински мотоциклизам требаше веќе да биде во полн ек, но заради пандемијата со вирусот исто како и во Светски рамки и локалните шампионати беа одложени. Разговараме со Хрситијан Бузалковски за актуелната состојба и неговите размислувања за претстојната сезона.

Africa Twin е одличен избор за сериозните оф роуд ентузијасти. Ако пак сакате подолга авантура, тогаш Africa Twin Adventure Sports ES моделите се одлична опција за вас со оглед на тоа дека имаат дополнителна опрема, електронски контролирана суспензија, прилагодливо ветробранско стакло, поголем резервоар за гориво и уште неколку други додатоци.

Првата трка од сезоната во МотоГП шампионатот донесе многу возбудувања, фантастичен викенд за младиот Фабио Квартараро и катастрофа за актуелниот шампион Марк Маркез.

Патеката Херез во Шпанија ќе биде домаќин на првата трка во сезоната. Во продолжение следува распоредот за сите сесии.

Реклами

Листа на мото настани

  • 19 Јуни 2020 - 21 Јуни 2020
  • Club house
  • Скопје, Водно

Благодарност!

Ви благодариме за тоа што споделувате содржини и го поддржувате нашиот веб сајт.