Педроса е првиот мотоциклист во сезоната кој дојде до две победи во МотоГП сезоната, откако стартуваше од шестата позиција на трката за ГН на Франција која се возеше на патеката Ле Ман.

Педроса е првиот мотоциклист во сезоната кој дојде до две победи во МотоГП сезоната, откако стартуваше од шестата позиција на трката за ГН на Франција која се возеше на патеката Ле Ман.

Возбудливата трка беше нешто што одамна го немаме видено, борба од првиот до последниот круг со неколку изненадувања, за кои најголем удел имаше мократа патека. Возбудливиот старт на трката придонесе возачот на Дукати тимот, Андреа Довициозо. 

Возачот на Дукати имаше успешен старт по кој изби на првата позиција, место кое успеа да го задржи неколку круга иако Педроса неколкупати се обидуваше да го промени тоа. Позициите на водечките двајца се менуваа, а зад нив ги следевме Хорхе Лоренцо, Валентино Роси, Кал Крачлоу и Штефан Брадл.

Уште еден возач кој треба да се издвои секако дека е Кал Крачлоу кој прикажа феноменално возење по стравотниот пад на четвртиот тренинг. Иако се здоби со мала фрактура на бутната коска, сепак одлучи да продолжи со сесијата, а потоа и со квалификациите. Болката не го спречи британецот да извози една од најдобрите трки во кариерата и на крајот да го освои второто место.

На третата позиција финишираше талентираниот Маркез кој иако заостана на стартот од трката, кон крајот успеа да го фати темпото и прикажа одлично возење кое на крајот му донесе подиум.

Денешната трка беше неуспешна за возачите на Јамаха откако Валентино Роси падна но успеа да се врати на патеката за на крајот да финишира на 12-та позиција, а Лоренцо имаше сериозни проблеми со гумите и на крајот заврши како седмопласиран.

Резултати од трката за ГН на Франција:

Победата на Педроса му го донесе првото место во генералниот пласман, 6 бода пред Марк Маркез и Хорхе Лоренцо. Борбата во шампионатот продолжува на 2-ри јуни на патеката Муџело.