MotoGP

Валентино Роси веќе требаше да биде во пензија

Валентино Роси сега може само да се надева на борба за седмото и осмото место, вели поранешниот шампион Марко Лучинели.

Следете нè на:

Валентино Роси сега може само да се надева на борба за седмото и осмото место, вели поранешниот шампион Марко Лучинели.

Валентино Роси веќе требаше да се пензионира за да ги зачува името но и достигнувањата кои ги има постигнато во неговата кариера, смета легендата во MotoGP Марко Лучинели.

После неуспешната сезона 2019 во која само два пати се искачи на подиумот во споредба со неговиот тимски колега Маверик Вињалес кој постигна две победи и ривалот од сателитскиот тим, Фабио Куартараро, кој шест пати се искачи на подиумот, многумина повторно го поставија прашањето за иднината на Италијанецот во овој спорт.

Неговиот договор завршува по крајот на сезоната 2020 а наскоро можеме да очекуваме информации дали тој ќе биде продолжен или не. Претходното продолжување на договорот се случи околу март.

Во последниот период неколку поранешни возачи изјавија дека е време Роси да се повлече. Последен кој го кажа своето мислење е Марко Лучинели кој вели дека мали се шансите Роси повторно да се бори за титулата, пред се поради присуството на Марк Маркез на патеката но и на неколку други млади возачи.

„Мислам дека ќе беше многу подобро доколку Вале веќе беше во пензија. Тој може да вози до 50 години но ќе продолжи да се бори за седмото или осмото место. Роси кој сите ние го знаеме на секоја трка се бореше за победа.“

„Нема што да се каже во однос на Маркез. Тој е одличен наследник на Роси. Го гледаше, го копираше и ги подобри неговите резултати. Единствено е штета што не е Италијанец!“

 DSC5241 copy

Кој е Марко Лучинели ?

Еден од најуспешните возачи на Suzuki, Лучинели постигна шест победи во неговата 500GP кариера. Пет од нив дојдоа во 1981година кога ги победи Ренди Мамола, Кени Робертс и Бери Шин во борбата за титулата.

Откако премина во Honda не успеа да ги повтори истите резултати. Потоа имаше неуспешен настап и во Cagiva по што во 1988 година реши да се испроба и во WorldSBK серијата.

После една сезона во која постигна две победи, Лучинели одлучи да се повлече од тркањето и стана тимски менаџер во Ducati. Неколку години подоцна стана коментатор на Гран При трките.

Тој е еден од групата на Италијански возачи кои имаат 500GP/MotoGP титула. Покрај него тука се и Роси, Џакомо Агостини, Умберто Масети, Франко Унчини и Либерто Либерати.

Мислењето на Лучинели го дели и поранешниот прв човек на тимот на Роси, Џери Бургес кој смета дека е време Италијанецот да се посвети на нови проекти.

motul makeodnija

Би можело да ве интересира

Во текот на вчерашнито ден на Марк Маркез му била извршена втора операција во болницата во Барселона.

Со денешното соопштение челниците на Дорна, ФИМ и ИРТА ставија крај на шпекулациите за годинешниот шампионат, отпаѓаат Аргентина, Тајланд и Малезија, а во календарот е додадена трка на 22 ноември на патека која дополнително ќе биде објавена но ќе биде во Европа.

Патеката Херез во Шпанија ќе биде домаќин и на втората трка во сезоната. Во продолжение следува распоредот за сите сесии.

Сезоната во брзински мотоциклизам требаше веќе да биде во полн ек, но заради пандемијата со вирусот исто како и во Светски рамки и локалните шампионати беа одложени. Разговараме со Хрситијан Бузалковски за актуелната состојба и неговите размислувања за претстојната сезона.

Africa Twin е одличен избор за сериозните оф роуд ентузијасти. Ако пак сакате подолга авантура, тогаш Africa Twin Adventure Sports ES моделите се одлична опција за вас со оглед на тоа дека имаат дополнителна опрема, електронски контролирана суспензија, прилагодливо ветробранско стакло, поголем резервоар за гориво и уште неколку други додатоци.

Првата трка од сезоната во МотоГП шампионатот донесе многу возбудувања, фантастичен викенд за младиот Фабио Квартараро и катастрофа за актуелниот шампион Марк Маркез.

Реклами

Листа на мото настани

  • 19 Јуни 2020 - 21 Јуни 2020
  • Club house
  • Скопје, Водно

Благодарност!

Ви благодариме за тоа што споделувате содржини и го поддржувате нашиот веб сајт.