Маверик Вињалес вели дека тој и неговиот тим Movistar Yamaha постигнале значителен напредок во развојот на М1 машината.

Откако успеа да победи на првите две трки од минатата сезона, Вињалес последната победа ја забележа дури во Мај минатата година, а покрај тоа тој е и бавен за време на тестирањата. Но ова би можело да биде моментот кога Шпанецот и Yamaha ќе го решат проблемот.

vinales rossi

Тимот досега испроба неколку шасии со цел да постигне подобри резултати. Но, откако фокусот на тимот се сврте кон електрониката, Вињалес вели дека сега имаат постигнато напредок.

Иако последната трка не ја започна добро, во еден момент се најде и надвор од местата кои носат поени, Маверик сепак извозе добро и на крајот се најде на шестото место и вели дека во иднина ќе има уште подобри резултати.

„Најдовме сет ап кој што му одговара на мотоциклот и тој навистина ми се допаѓа. Тоа го барав и претходно, а откако ја направивме промената, ми се врати и претходното чувство кое го имав на мотоциклот.“

„Доколку погледнеме наназад, изгледа како да сме загубиле три месеци. Мотоциклот е сосема различен од оној со кој настапив за време на тестовите. Шасијата е иста но сетапот не е . Мотоциклот повторно ги има силните страни кои ги имаше и минатата сезона и тоа ми дава поголема мотивација. Сега откако повторно имаме добро темпо треба да видиме каков резултат ќе ни донесе следната трка.“

Иако засега се чини дека тимот ги реши проблемите со кои се соочуваа, Вињалес тврди дека напредокот кој го постигнале има големо значење.

„За време на тестовите, понекогаш ги решававме проблемите но само за неколку кругови. Сега само ми треба да извозам многу кругови за да ми се врати чувството кое го имав минатата година.“

Back To Top