Motocross

Yamaha го продолжи договорот со Џастин Барсиа и за сезоната 2018

Џастин Барсиа, кој во моментов се наоѓа на третата позиција во 2018 Monster Energy Суперкрос шампионатот потпиша договор со корпорацијата Yamaha Motor и ќе продолжи да вози за Monster Energy/Knich/Yamaha тимот и во останатиот дел од сезоната во Суперкрос шампионатот.

Следете нè на:

 

Џастин Барсиа, кој во моментов се наоѓа на третата позиција во 2018 Monster Energy Суперкрос шампионатот потпиша договор со корпорацијата Yamaha Motor и ќе продолжи да вози за Monster Energy/Knich/Yamaha тимот и во останатиот дел од сезоната во Суперкрос шампионатот. Покрај ова, тој ќе биде дел и од 2018 AMA Pro Мотокрос шампионатот кој ќе почне кон крајот на мај. Ова го објави Кит Мекарти, тимскиот менаџер на YMUS.

barcia 1 633x388

„Големо задоволство ни причинува фактот дека го продолживме договорот со Џастин и тој ќе продолжи да се натпреварува во шампионатите во мотокрос и суперкрос. Неговите резултати во изминатиот период беа одлични, токму онакви какви што очекувавме. Уште кога го потпишавме првичниот договор за само шест трки видовме колку добро возеше со новиот мотоцикл за време на тестовите и знаевме дека почнуваме нешто специјално. Веруваме во Џастин и убедени сме дека заедно ќе постигнеме големи успеси,“ изјави Мекарти.

barcia 5 585x389

Џастин пак додаде: „Кога прв пат се качив на фабричкиот YZ450F, знаев дека имам нешто со кое ќе можам да се борам за титулата. Среќен сум што имам можност да бидам дел од тимот на Monster Energy/Knich/Yamaha, а уште поголемо задоволство ми претставува тоа што ќе настапам за тимот и во остатокот од суперкрос сезоната како и низ целата мотокрос сезона. Одлично се сложувам со сите во тимот и тоа ми дава огромна самодоверба.“

Џастин и неговиот тимски колега Купер Веб сега се подготвуваат за шестата трка од 2018 Monster Energy Суперкрос шампионатот која ќе се оддржи овој викенд во Сан Диего.

Би можело да ве интересира

МотоГП тимот на Дукати денеска официјално го претстави Desmosedici GP19.

„Во моментов ми се случуваат навистина убави работи. Треба само да продолжам да работам. Како стареам така чувствувам дека станувам се подобар“ – Џек Милер

Австралиецот Тоби Прајс победи на Релито Дакар 2019. 31 годишниот возач ги надмина сите очекувања откако целото рели го возеше со повреда на раката. Ова е втора победа на Дакар за Прајс откако истото му успеа и во 2016 година.  Во 2017 година ја скрши ногата на четвртата етапа а минатата година заврши на второто место.

Зимскиот период е одличен за планирање и подготовка за сезоната која следува, така е и со нашите натпреварувачи на меѓународните трки, а првиот од нив со кого разговараме за идните планови е Слободан Ивчески - Цобо (МК Сакамото).

Макпетрол во својот салон за мотоцикли и мото опрема ги донесе новите модели на јакни од програмата на Spyke.

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.