iHelmet содржи многу опции кои се управувани од смартфон. Меѓу нив се безбедносните карактеристики, како што е светлото на кацигата.

Минатиот месец пишувавме за плановите за соработка меѓу Bell и 360fly. Тие планираат да изработат кацига која ќе има вметната камера, a која  во исто време ќе биде и дополнителна заштита. Но сепак, не сите иновации се случуваат во лабораторијата за истражување и развој.

iHelmet е повеќе насочена кон удобноста и безбедноста на возачот отколку до снимките од вашето возење. Изработена е од Ганинду Нанајакара, млад инжињер од Шри Ланка. Тој доби 500.000 долари награда за освоено второ место на  „Verizon Powerful Answers“ наградите, а исто така беше одбран и да биде учесник и на „Global Solutions“ програмата на универзитетот „Singularity “ кој е спонзориран од Google.

iHelmet содржи многу опции кои се управувани од смартфон. Меѓу нив се безбедносните карактеристики, како што е светлото на кацигата. Некои од додатоците се повеќе корисни за градови како што е Пекинг. На пример, кога е премногу лош квалитетот на воздухот, почнува да трепка светлото за предупредување. Поголем дел од мотоциклистите живеат во Азија, па затоа овој додаток има логика.  Цената на овој производ? Малку повеќе од 100 долари. Но сепак таа се уште е недостижна за поголем дел од возачите во Азија.

Во видеото подолу ќе можете да видите како функционира iHelmet како и објаснувањето на Нанајакара.

Сеуште има работи кои треба да се испеглаат, како што се големината на уредот и евентуалните последици од судар, но одлично е да се види дека иновациите пристигаат од секакви профили на луѓе, од целиот свет.