Останато

Red Bull X-Fighters: Паже и Мур ќе се соочат за титулата во Абу Даби

Том Паже од Франција и Клинтон Мур од Австралија ќе се сретнат во најизедначеното финале досега од светската серија Red Bull X-Fighters, што на 30 октомври ќе се одржи во Абу Даби, а дуелот на двајцата возачи се очекува да трае до финишот! Обајцата се изедначени на врвот од генералниот пласман и имаат по две победи зад себе во најпрестижното светско натпреварување во мотокрос слободен стил, кое по четврти пат се враќа во Обединетите Арапски Емирати.

Следете нè на:

 

P 20151027 00314 NewsСе е подготвено за борбата за титулата

Том Паже од Франција и Клинтон Мур од Австралија ќе се сретнат во најизедначеното финале досега од светската серија Red Bull X-Fighters, што на 30 октомври ќе се одржи во Абу Даби, а дуелот на двајцата возачи се очекува да трае до финишот! Обајцата се изедначени на врвот од генералниот пласман и имаат по две победи зад себе во најпрестижното светско натпреварување во мотокрос слободен стил, кое по четврти пат се враќа во Обединетите Арапски Емирати.

АБУ ДАБИ (Обединети Арапски Емирати) – Светската серија Red Bull X-Fighters стигна до својата драматична завршница за 2015 година, при што Томас Паже (Франција) и Клинтон Мур (Австралија) ќе ги имаат можност да го покажат својот арсенал од најдобри егзибиции, превртувања и скокови што публиката некогаш ги видела. Подобриот во дуелот ќе ја прослави титулата во Абу Даби, главниот град на Обединетите Арапски Емирати. Мур ја започна сезоната како доминантен во првата половина, со победи во Мексико Сити и Атина, но Паже кој ја освои оваа серија во 2013 година, беше несовладлив на последните две натпреварувања во Мадрид и Преторија.

Завршницата на јубилејната 15 сезона од Red Bull X-Fighters воедно ќе го означи долго очекуваното деби во Абу Даби. Натпреварувањето е планирано да се одржи на спектакуларниот брег Корнише, на 30 октомври. Најдобрите светски возачи во мотокрос слободен стил претходно три пати се натпреваруваа во ОАЕ, но шоуто беше лоцирано во Дубаи.

Паже и Мур имаат по 280 поени во првенството и покажаа брилијантни изведби, блескајќи во натпреварувањата каде што возачите со импресивни егзибиции во воздухот прескокнуваат и по 30 метри во далечина и летаат до 15 метри во височина. Со по две победи покрај своето име, двајцата претенденти за тронот имаат уште по едно второ и едно трето место. Ова е прв случај на изедначеност со кој се влегува во последното натпреварување.

Паже во минатото беше водечка сила за иновации, со изведби како „Special Flip“, „Bike Flip“ и неодамна усовршениот „Alley-Oop Flair“. Мур исто така има свои заштини знаци како „Bundy“ со кој стана незапирлив оваа сезона, но го додаде и првиот „земја-земја Volt“ изведен во Преторија, Јужна Африка.

Ливај Шервуд од Нов Зеланд кој е трет во генералниот пласман и шампион за 2012 година, нема да настапи во Абу Даби поради повреда со која што се здоби токму пред натпреварувањето во Преторија. Тој има 185 поени, па битката за третото место ќе биде интересна бидејќи Французинот Давид Риналдо има 145 поени, исто колку и Џош Шихан од Австралија, кој е победник во ова натпреварување за 2014 година, но годинава го пропушти почетокот на сезоната. Неговиот сонародник Роб Аделберг е исто така во конкуренција за дофат на третата позиција, бидејќи има 135 поени на шестото место.

Табела: 1. Том Паже (Франција) 280 поени, 2. Клинтон Мур (Австралија) 280 поени, 3. Ливај Шервуд (Нов Зеланд) 185 поени, 4. Давид Риналдо (Франција) 145 поени, 5. Џош Шихан (Австралија) 145 поени, 6. Роб Аделберг (Австралија) 135 поени, 7. Дани Торес (Шпанија) 100 поени, 8. Адам Џонс (САД) 100 поени, 9. Така Хигашино (Јапонија) 95 поени, 10. Реми Бизуар (Франција) 90 поени.

Би можело да ве интересира

На 28, 29 и 30 Јуни за првпат на овие простори ќе се одржи женски мото камп во близина на градот Салаш, Република Србија. На него е дозволено да учествуваат само девојки. Односно, оние кои возат мотори и оние кои не возат, а ја делат истата пасија со првите.

Валентино Роси вели дека имал многу проблеми на правите делови за време на одржувањето на Француската Гран При трка а неговиот мотоцикл бил многу послаб во споредба со мотоциклите на неговите ривали.

Џек Милер во Шпанија го испроба доминантниот Ducati Panigale V4 R.

Ducati тестираат замена за 959 Panigale и неговиот v-twin мотор.

„Секој викенд учиме нешто ново. Наскоро ќе бидеме подобри“  - Хорхе Лоренцо

Дали би купиле Кинески скутер од Австриска компанија кој го има знакот на Ducati?

Бидете информирани за сите новости директно на вашата е-маил адреса
Реклами

Листа на мото настани

  • 11 Мај 2019 - 11 Мај 2019
  • Фабрика Партизанка - Индустриска зона

  • 01 Јуни 2019 - 01 Јуни 2019
  • Голозинци
  • Велес

  • 02 Јуни 2019 - 02 Јуни 2019
  • Дом на млади
  • Штип

  • 07 Јуни 2019 - 08 Јуни 2019
  • Нов Парк
  • Свети Николе

  • 14 Јуни 2019 - 16 Јуни 2019
  • Кавадарци

  • 28 Јуни 2019 - 29 Јуни 2019
  • Gradski Bazen Kumanovo
  • bul.Oktomvriska Revolucija, 1300 Kumanovo

  • 28 Јуни 2019 - 29 Јуни 2019
  • Clubhouse 3313
  • Илинденска 138, Скопје

  • 26 Јули 2019 - 28 Јули 2019
  • Клубски дом
  • Планина Плачковица

Благодарност!

Ви благодариме за тоа што споделувате содржини и го поддржувате нашиот веб сајт.