Останато

„Стоп за ракот“ - кацига вредна 255.000€

Кацигата „Стоп за ракот“ која е потпишана од 12 Светски мото шампиони е дадена на аукција со рекордна цена од 255.000€ што ја прави најскапата кацига во светот. Сите средства од продажбата ќе бидат донирани на организации кои се борат против ракот.

Следете нè на:

 

kaciga1Кацигата која собра 255.000 евра на аукција 

Кацигата „Стоп за ракот“ која е потпишана од 12 Светски мото шампиони е дадена на аукција со рекордна цена од 255.000€ што ја прави најскапата кацига во светот. Сите средства од продажбата ќе бидат донирани на организации кои се борат против ракот.

Алберто Хернандез е шпански студент кој е огромен фан на моторите. Љубовта кон пасијата на две тркала го споила со Оскар Ксеро, член на LCR Honda тимот, со кој дошле до идеја да направат проект кој ќе ги финансира двете организации „AECC“ (Шпанска асоцијација за борба против ракот) и „Riders For Health“ (официјалната добротворна организација на МотоГП).

kaciga2Автограми од 12 Светски шампиони кои зад себе имаат 58 титули

Планот беше да се направи розева кацига, боја која се поврзува со многу истражувања против ракот, а потоа познати имиња од мото светот да ја потпишат кацигата. Според планот, потпишаната кацига треба да се постави на аукција, а парите собрани од продажбата да се донираат на организациите. Како што замислиле така и направиле.

Џакомо Агостини, Ангел Нието, Валентино Роси, Хорхе Лоренцо, Марк Маркез, Дани Педроса, Вејн Рејни, Лорис Капироси, Алекс Кривие, Вејн Гарднер, Скот Расел и Ренди Мамола. Ова се имињата на едни од нај големите мото шампиони кои ставија потпис на кацигата и кои ја поддржаа иницијативата. Кацигата доби одобрување и од Дорна, па заедно со имињата на шампионите кои зад себе имаат 58 Светски титули се наоѓа и потписот на Кармело Ецпелета.

kaciga3Директорот на CWM LCR Honda тимот е новиот сопственик на „Стоп за ракот“ кацигата

Благодарение на големата поддршка која ја доби проектот, кацигата за кусо време беше видена од повеќе од 10 милиони луѓе низ целиот свет. Откако беше објавена идејата во медиумите за неа дозна и претседателот на CWM LCR Honda тимот, Антони Константину, кој веднаш одлучил да се вклучи во аукцијата и понудил неверојатни 225.000 евра за неа.

„Со толку многу семејства кои се засегнати од ракот, важно е сите кои се во можност да ги здружат силите и да се обидат да направат нешто во врска со тоа. Тимот направи одлична работа со тоа што ја зголеми свесноста за болеста и се погрижи да дојде до средства за организациите. Јас сум среќен што сум дел од оваа одлична кауза и се надевам дека ќе бидам пример за другите луѓе да помогнат во борбата против ракот.“ - изјави Константину.

kaciga4Моторџиите собраа 255.000 евра за одлична кауза со која се зголемува свесноста за опасната болест

До денес „Стоп за ракот“ кацигата е најскапата што воопшто е продадена, а на аукцијата е собрана најголемата сума во мото светот. Аукцијата ги надмина очекувањата на присутните, а ги надмина и износите кои претходните кациги ги имаа добиено: Кацигата на Аиртон Сена во 2012 собра 94.200 евра, а онаа на Себастиан Фетел во 2013 беше продадена за 90.900 евра.

 

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.