Во недела, 25ти септември, десетици илјади лица низ стотици градови ширум светот ќе ги наместат краватите, ќе ги средат мустаќите и ќе се качат на своите класични мотоцикли за да соберат пари и да ја зголемат свеста за здравјето на мажите.

Во недела, 25ти септември, десетици илјади лица низ стотици градови ширум светот ќе ги наместат краватите, ќе ги средат мустаќите и ќе се качат на своите класични мотоцикли за да соберат пари и да ја зголемат свеста за здравјето на мажите, односно за истражувањата за пронаоѓање на лек за за рак на простатата и спречување на самоубиствата.

Возењето во костум со причина: Од каде доаѓаме и каде одиме

Мото клубот на почитувани господа беше основан во Сиднеј, Австралија, од страна на Марк Хава. Тој беше импресиониран од една фотографија на Дон Дрејпер од серијата „Mad Man“, а на која тој вози класичен мотоцикл додека е облечен во неговиот најдобар костум. Марк одлучил дека вакво возење од една страна би бил одличен начин да спротистави на негативните стереотипи за мотоциклистите, а друга страна мото заедницата да се зближи уште повеќе.

На првото возење во 2012 година присуствуваа повеќе од 2500 возачи низ 64 градови. Успехот на настанот го охрабри основачот да размисли како би можела да се искористи оваа поддршка за некоја вредна цел.

• Во 2013 година учество на настанот зедоа 11 000 возачи од 145 градови низ светот и беа собрани повеќе од 277 илјади долари кои беа наменети за пронаоѓање на лек за рак на простатата.
• Во 2014 година, учество зедоа 20 000 возачи од 257 градови во 58 земји од светот и беа собрани 1,5 милиони долари кои беа наменети за пронаоѓање на лек за рак на простатата.
• Во 2015 година, , учество зедоа 37 000 возачи од 410 градови во 79 земји од светот и беа собрани 2.3 милиони долари кои беа наменети за пронаоѓање на лек за рак на простатата.

Под влијание на загубата на еден член на клубот поради депресија, во 2016 година целта ќе биде променета. Сега фокусот покрај истражувањето за пронаоѓање на лек за рак на простата ќе биде и спречување на самоубиствата. На настанот ќе му се приклучи и здружението „Movember“, а поддршка ќе дадат и  „Triumph Motorcycles “ и „Zenith Watches.“

Оваа година во листата на „Distinguished Gentleman’s Ride“ влезе и Македонија. До сега се пријавени 28 учесници и собрани се 172$.

Мото клубот на почитувани господа е почит кон комбинацијата на убавото облекување и класични мотоцикли.

Што значи тоа?

Замислете си: Наочари, средени мустаќи и класичен костум.

Мотоцикл: Cafe' Racer, Bobber, Classic, Tracker, Scrambler, Old School Chopper, Modern Classic, Sidecar, Classic Scooter.  Посетете ја нашата страна за да видите какви мотоцикли го прават овој настан уникатен.

Работи кои треба да ги понесете со себе: Вашите најдобри манири и смислата за хумор и насмевка.

Цена: Возењето е бесплатно но сепак ги охрабруваме сите кои ќе возат да направат направат мала донација како и да ја споделат целта на ова возење со своите пријатели и да ги охрабрите и тие да донираат.

Регистрација: За да се регистрирате за најблиското возење и за да донирате посетете ја страната www.gentlemansride.com/register.