Вести од светот

Јубилеј за Honda: Произведени 1 милион SH скутери

Фабриката на Honda, Атеса, која беше основана во регионот Абруцо во Италија во 1971 година, слави импресивен јубилеј откако успеа да произведе еден милион примероци од SH скутерите.

Следете нè на:

 

Фабриката на Honda, Атеса, која беше основана во регионот Абруцо во Италија во 1971 година, слави импресивен јубилеј откако успеа да произведе еден милион примероци од SH скутерите.

2017 honda sh125 Honda SH125 2017

Само по себе тоа е импресивна бројка но вреди да се знае и дека фабриката не започна со производство на овој скутер се до 1996 година. Тоа значи дека во периодот од 11 години производство на SH скутери во Италија, годишно биле создавани по речиси 100,000 примероци. Линијата SH за прв пат беше воведена во 1984 година со моделот SH50. Првиот примерок од оваа серија беше произведен во Белгија, а 12 години подоцна производството беше префрлено во Италија.

Трансферот во Атеса исто така допринесе за создавање на нова верзија на SH50 како и на комплетно нов SH100. Сега во компанијата се произведуваат сите три модели од SH линијата: SH125, SH150 и SH300.

1984 honda sh50Honda SH50 1984

SH125, најпродаваниот скутер во Европа за 2016 година со 17000 примероци, се произведува во фабриката во Италија од 2001 година. Моделот 2017 Honda SH125i има LED светла напред и позади, „Smart Key“ и нов изглед.

Секако, бројката од 1 милион скутери за 11 години е импресивна но во 2014 година Honda стигна до бројката од 300 милиони скутери. Се започна во 1949 година со Honda Dream Type-D, а последниот модел кој беше произведен и со кој се одбележа јубилејот е Gold Wing. Легендарниот Super Cub модел на Honda е мотоциклот кој е најмногу произведуван со 87 милиони примероци.

Во Македонија застапник за Хонда е Макпетрол, а скутерите од SH серијата се достапни по следните цени:

Модел Цена
SH300 ABS 5.590
SH150 A 4.090
SH125  3.590 

Би можело да ве интересира

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.