Ако веќе подолг период сте дел од светот на мотоциклите, тогаш сигурно имате запознаено некој возач кој тврди дека морал намерно да падне бидејќи ако не го направел тоа, ќе се здобиел со многу потешки повреди.

Ако веќе подолг период сте дел од светот на мотоциклите, тогаш сигурно имате запознаено некој возач кој тврди дека морал намерно да падне бидејќи ако не го направел тоа, ќе се здобиел со многу потешки повреди.

Генерално, ова е идиотска теорија. Доколку мотоциклот е исправен, барем ќе можеш да ги притиснеш сопирачките, да завртиш или во редок случај директно да преминеш преку препреката. Доколку скокнеш од мотоциклот, тогаш немаш никаква контрола каде би можел да завршиш.

Прашај било кој искусен возач за ова и тој сигурно ќе ти каже дека таквите работи функционираат само на филмови. Сепак, изминатиов викенд, еден возач од Англија конечно доби легитимна причина за да го направи тоа. Тој избегна рушење на мост.

Настанот се случил на автопатот М20, јужно од Лондон. Еден камион, кој превезувал багер, се удрил во еден пешачки мост. Од ударот, мостот се срушил врз друг камион кој се движел веднаш зад првиот. А во истиот момент, мотоциклист се движел покрај вториот камион. Тој бил толку блиску до него, поради што еден од сведоците на настанот си помислил дека мостот се срушил врз него.

Но всушност, според други сведоци, возачот успеал да се фрли од мотоциклот и да се лизне во просторот меѓу мостот и автопатот. Мотоциклот се удрил во мостот, но возачот успеал да се излизга неколку метри подолу.

Возачот се здобил со неколку скршени ребра, но освен тоа немал други посериозни проблеми. Не е познато каква опрема носел на себе возачот, но сигурни сме дека бил добро заштитен.

Тој сега ќе има интресна приказна за раскажување, а ние му посакуваме брзо оздравување.