Започна одбројувањето до 2019 Distinguished Gentleman’s Ride, настан кој ќе се одржи на 29-ти септември.

Настанот, кој се одржува осма година по ред, досега собра 16,536,924 евра кои се донирани во хуманитарни организации. Организаторите на настанот очекуваат оваа година да соберат уште 6,184,015 евра. Дел од манифестацијата ќе бидат преку 125 илјади возачи.

„Навистина сме возбудени што Distinguished Gentleman’s Ride прерасна во еден од најголемите хуманитарни настани во светот“, изјави основачот Марк Хава. „Ова го постигнавме благодарение на сите возачи, кои го зедоа при срце овој концепт и го кренаа на едно повисоко ниво. “

„Исто така среќни сме што ја имаме оваа голема поддршка од мото заедницата, вклучувајќи ги Triumph Motorcycles, како и големиот број на партнери кои имаа важна улога во растот на оваа манифестација.“

„Оваа година имаме за цел да го организираме најголемото и најуспешното возење досега. Затоа, без разлика во кој град или држава живеете, придружете ни се.“

Повеќе информации за целиот настан можете да дознаете на нивната официјална веб страна.