Вести од светот

Возачите на автомобили во Велика Британија кои зборуваат на телефон додека возат ќе добијат високи казни

Паметните телефони денеска се присутни насекаде, но тие не смеат да се користат додека управувате со возило кое тежи речиси два тона. Ние возачите на мотоцикли знаеме колку е тоа опасно и со тоа постојано се среќаваме.

Следете нè на:

 

Паметните телефони денеска се присутни насекаде, но тие не смеат да се користат додека управувате со возило кое тежи речиси два тона. Ние возачите на мотоцикли знаеме колку е тоа опасно и со тоа постојано се среќаваме. Но барем во Велика Британија таквите возачи отсега ќе добиваат високи казни, а постои можност и да останат без возачка дозвола.

kazna vozaciСе надеваме на високи казни и за нашите возачи кои користат мобилни

Отсега сите оние кои користат мобилни телефони додека возат се соочуваат со казна од 200 фунти и шест казнени поени. Тоа можеби нема да им значи ништо на постарите возачи кои имаат само неколку прекршоци, но доколку станува збор за нов возач, постои можност да го загуби правото на возење на одреден период. Според законот, новите возачи можат да загубат најмногу шест поени во првите две години откако ја добиле возачката дозвола. Со тоа, доколку ги фатат како го користат телефонот додека возат, автоматски им следува забрана.

„Сите мора да ги поттикнуваат своите пријатели и членови на фамилијата да не го користат телефонот додека возат,“ изјави министерот за транспорт Крис Грејлинг. „Тоа е неприфатливо исто како и возењето под дејство на алкохол.“

Од Авто Мото сојузот на Велика Британија  велат дека голем број од возачите ги користат мобилните телефони бидејќи веруваат дека нема да бидат фатени од полицијата. Според нивните истражувања, бројот на лица кои сметаа дека е прифатливо да направат краток телефонски повик е зголемен за двојно.

Според едно друго истражување, 22 лица загинале, а 99 се здобиле со сериозни повреди на улиците во Велика Британија во 2015 година, а како главна причина е наведена користењето на мобилните телефони.

За воведување на повисоките казни допринесе и неодамнешната несреќа во која еден полски возач на камион направил сообраќајна несреќа во која загинаа четири лица, а во моментот на нереќата возачот на камионот барал музика на својот телефон.

Ние можеме само да препорачаме дека казните треба да бидат многу повисоки и да бидат имплементирани во сите земји.

Би можело да ве интересира

МотоГП тимот на Дукати денеска официјално го претстави Desmosedici GP19.

„Во моментов ми се случуваат навистина убави работи. Треба само да продолжам да работам. Како стареам така чувствувам дека станувам се подобар“ – Џек Милер

Австралиецот Тоби Прајс победи на Релито Дакар 2019. 31 годишниот возач ги надмина сите очекувања откако целото рели го возеше со повреда на раката. Ова е втора победа на Дакар за Прајс откако истото му успеа и во 2016 година.  Во 2017 година ја скрши ногата на четвртата етапа а минатата година заврши на второто место.

Зимскиот период е одличен за планирање и подготовка за сезоната која следува, така е и со нашите натпреварувачи на меѓународните трки, а првиот од нив со кого разговараме за идните планови е Слободан Ивчески - Цобо (МК Сакамото).

Макпетрол во својот салон за мотоцикли и мото опрема ги донесе новите модели на јакни од програмата на Spyke.

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.