WSBK

Реа повторно на врвот во пресрет на новата сезоната

Џонатан Реа ги потсети своите ривали дека ќе биде еден од фаворитите откако го заврши претсезонскиот тест на Филип Ајленд на првото место

Следете нè на:

 

Џонатан Реа ги потсети своите ривали дека ќе биде еден од фаворитите откако постигна најдобро комбинирано време на дво дневниот тест на Филип Ајленд.

Бранителот на титулата беше во водство во поголем дел од денот и на крајот успеа да му го одземе првото место на Чави Форес кој заврши како прв на првиот ден од тестовите. Времето кое го постигна Реа од 1 минута 30.545 секунди му овозможи да се искачи на првото место.

rea filip ajlend 1Џонатан Реа

Возачот на Aruba.it Racing, Марко Меландри, постигна време од 1 минута 30.575 секунди и на крајот се најде пред неговиот тимски колега Чез Дејвис.

Том Сајкс беше многу блиску до најдобрите тројца возачи и покрај тоа што имаше заостанување од речиси половина секунда зад тимскиот колега Реа. Чави Форес, кој имаше најдобро време на првиот ден, на крајот сепак се најде на петото место. Возачот на Kawasaki Racing имаше мали проблеми на стартот но сепак успеа да извози до крај.

Леон Камиер уште еднаш импресионираше на MV Agusta и заврши на шестото место пред возачот на Milwaukee Aprilia, Лоренцо Савадори, додека пак позициите кои ги освоија Алекс Ловс од Pata Yamaha и Жорди Торес од Althea BMW овозможија на првите девет места да се најдат шест различни производители.

Дебитантот Ренди Краменахер имаше добар настап на вториот ден од тестовите и на крајот се најде меѓу најдобрите десет возачи.

Лош настап имаше Јуџин Лаверти кој заврши на дванаесетото место но сепак се најде пред возачот на фабричкиот тим на Yamaha, Мајкл ван дер Марк.

Членот на Red Bull Honda, Ники Хејдн,повторно се најде во долниот дел од табелата откако заврши на четиринаесетото место а неговиот тимски колега Стефан Бредл беше деветнаесети со заостанување од две секунди зад Реа.

Сега возачите ги очекува краток одмор пред првата трка од сезоната 2017 која ќе се оддржи на Австралиската патека од 24-ти до 26-ти февруари.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.