WSBK

Топрак Разгатлиоглу ќе премине во WSBK од 2018 година, ќе вози за Kawasaki Puccetti Racing

Kawasaki Puccetti Racing тимот ќе продолжи да настапува со еден мотоцикл во Супербајк серијата во 2018 година со Топрак, додека пак во WorldSSP шампионатот, Кенан Сафуоглу и Хикари Окубо ќе настапат со Kawasaki Ninja ZX-6R.

Следете нè на:

 

Одличниот настап во 2017 година во STK1000, борбата за титулата до самиот крај на шампионатот и освојувањето на второто место во генералниот пласман му овозможи на Европскиот STK600 шампион да потпише едногодишен договор со Kawasaki Puccetti Racing и во следната сезона да настапи во WSBK серијата. Kawasaki Puccetti Racing тимот ќе продолжи да настапува со еден мотоцикл во FIM Супербајк серијата во 2018 година додека пак во FIM WorldSSP шампионатот, Кенан Сафуоглу и Хикари Окубо ќе настапат со Kawasaki Ninja ZX-6R.

paragrapharticle 69979 59313e94bc5da

Мануел Пукети:

Во 2018 година ќе продолжиме да настапуваме со еден мотоцикл во WorldSBK шампионатот. Оваа година, исто како и во минатото, Топрак покажа дека е многу талентиран возач и сигурни сме дека е подготвен за настап во премиерната класа. Ова беше наша прва сезона како приватен тим во Супербајк и помина позитивно. Стекнавме позитивно искуство, најпрво со Ренди и Ентоани, а потоа и со Хаслам и Гинтоли. Сега сме подготвени за предизвиците кои не очекуваат следната сезона. Благодарение на новите правила, разликата меѓу нашиот мотоцикл и мотоциклите на останатите возачи ќе се намали. Затоа сме сигурни дека во 2018 година ќе му обезбедиме на Топрак се што му е потребно за да учи но и за да биде компетитивен.

Топрак Разгатлиоглу:

2017 година беше навистина позитивна за мене. Ни избега титулата во  STK1000 поради повредата која ја добив во Франција. Ако настапев во Мањикур, веројатно работите ќе беа поинакви. Но во секој случај, среќен сум што ќе настапам во WorldSBK следната сезона. Веќе неколку сезони возам за тимот Pucceti  и запознаен сум со професионализмот на луѓето кои работат тука. Сигурен сум дека ќе имам се што ми е потребно за да го научам новиот мотоцикл и да се борам за постигнување на добри резултати. Сакам да им се заблагодарам на Мануел и на Kawasaki за оваа можност која ми ја даваат. Со нетрпение чекам да дојде ноември кога на патеката во Херез ќе го имам првиот зимски тест.

Би можело да ве интересира

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.