WSBK

WSB: Меландри ги охрабрува возачите да зборуваат повеќе

Марко Меландри смета дека неговите колеги воопшто не се грижаат и не сугерираат никакви работи кои би донеле позитивни промени на Светскиот Супербајк шампионат .

Следете нè на:

 

За прв пат во 2019 година за време на тркачкиот викенд ќе имаме три трки. Покрај стандардните трки во сабота и недела ќе има уште една трка наречена „Tissot Superpole Race“ . Таа ќе има десет круга и ќе се оддржи во сабота наутро.

Првите девет најдобри возачи ќе ја стартуваат и главната трка по тој редослед. За останатите возачи ќе важат резултатите од квалификациите. Иако Меландри ја поддржува оваа трка, вели дека многу посерозно би се зеле во предвид мислењата на возачите доколку тие имаат заеднички став.

„Ми се допаѓа трката и доколку таа го зголеми спектаклот, тогаш е добредојдена“, вели Меландри. „Она што не ми се допаѓа е дека освојуваме поени за време на квалификациска сесија. Според мене, тоа не е во ред. Ако сакате да доделите поени, тогаш дадете бонус. Во спротивно, нема бонус и нема поени.“

Melandri Txt 28 01

Трката ќе им донесе поени на првите девет возачи по следниов распоред: 12-9-7-6-5-4-3-2-1. На прашањето дали сериозно се зема во предвид мислењето на возачите, Меландри вели дека тоа не е така. Смета дека Dorna ќе ги сфати сериозно само доколку возачите се здружат и испратат заедничка идеја.

„Возачите воопшто не се грижат“, смета 36 годишниот натпреварувач кој е и најстар на патеката. „Неколку пати се имам обидено да разговарам со нив околу нешто вакво но само Џонатан Реа беше заинтересиран. Некои возачи се заинтересирани кога детално ќе им објаснам , но на крајот останува само на тоа.  Никој не сака да го искаже своето мислење.“

Во својата досегашна кариера, Меландри има настапено на 151 трка од Светскиот Супербајк шампионат. Има 22 победи и 72 пати се искачи на подиумот. Во 2002 година беше Гран При шампион во класата од 250cc.

Би можело да ве интересира

Стартуваше новата MotoGP сезона. Минатата недела имавме навистина возбудлива трка во Катар. Новата MotoGP трка ни носи и нов Motul Суперфан.

Андреа Довициозо не сака да му посвети големо внимание на резултатот од првите три трки од новата сезона. Од она што можевме да го видиме во Катар, мотоциклите на Ducati беа најбавни во свиоците.

Хорхе Лоренцо верува дека наскоро ќе може да го покаже целосниот потенцијал откако имаше слаб настап за време на дебитанската трка во новиот тим.

Валентино Роси верува дека Suzuki има постигнато најголем напредок за време на зимските тестови.

Шефот на Ducati, Џиџи Дал’Игна ги отфрли обвинувањата дека е нелегален додатокот кој го има на нивниот мотоцикл и ја обвини Honda дека е виновна за целата оваа ситуација.

Honda Rebel 500 има многу модерен изглед. Голем дел од елементите се позајмени од секторот на спортски мотоцикли, а тие му даваат елегантен и модерен изглед.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.