Екипите од Светскиот Супербајк шампионат денеска завршија со првиот пред-сезонски тест. Домаќин беше патеката Анхел Нието во Херез.
Речиси сите тимови кои се дел од серијата беа присутни во Шпанија, а покрај нив имаше и неколку тимови од Суперспорт серијата. Веднаш по дводневните тестови во Херез, тимовите заминуваат во Портимао, Поргугалија каде што во недела и понеделник исто така ќе се оддржат тестови.
Патеката во Херез доживеа промена откако на неколку делови, за кои возачите со пожалија дека се проблематички, беше поставен и нов асфалт.
Вреди да се издвои и дека на овој тест, возачите на BMW, Том Сајкс и Маркус Рајтенберг за прв пат се соочија со своите ривали. На патеката не беше присутен тимот на Honda за кој настапуваат Леон Камиер и Риучи Кијонари. Од екипата соопштија дека ќе се фокусираат на тестовите во Азија. На патеката во Херез беше присутен тимот на Althea за кој за прв пат настапи Алесандро Делбианко.
Во однос на Суперспорт категоријата, Жил Клузел го започна своето патување со тимот GMT94. Исто така и Мариа Херера го имаше своето деби на Yamaha R6. Ова за неа и нејзиниот тим, MS Racing, ќе биде прв настап во оваа категорија.
Тестовите се одржаа вчера и денеска во период од 10 часот наутро до 6 часот попладнето.
Резултати од денешниот тест:
- Jonathan Rea (Kawasaki Racing Team WorldSBK) 1’39.160
- Alex Lowes (Pata Yamaha Official WorldSBK Team) 1’39.372 +0.212
- Leon Haslam (Kawasaki Racing Team WorldSBK) 1’39.502 +0.348
- Alvaro Bautista (Aruba.it Racing – Ducati) 1’39.620 +0.460
- Toprak Razgatlioglu (Turkish Puccetti Racing) 1’39.942 +0.782
- Sandro Cortese (GRT Yamaha Team) 1’40.075 +0.915
- Michael van der Mark (Pata Yamaha Official WorldSBK Team) 1’40.145 +0.985
- Marco Melandri (GRT Yamaha Team) 1’40.469 +1.309
- Michael Ruben Rinaldi (BARNI Racing Team) 1’40.540 +1.380
- Chaz Davies (Aruba.it Racing – Ducati) 1’40.621 +1.461
- Leandro Mercado (Orelac Racing VerdNatura) 1’40.794 +1.634
- Eugene Laverty (Team Goeleven) 1’40.879 +1.719
- Jordi Torres (Team Pedercini Racing) 1’41.066 +1.906
- Tom Sykes (BMW Motorrad WorldSBK Team) 1’41.206 +2.046
- Markus Reiterberger (BMW Motorrad WorldSBK Team) 1’41.231 +2.071
- Alessandro Delbianco (Althea MIE Racing Team) 1’42.353 +3.192