Џонатан Реа испрати сериозно предупредување до своите ривали за време на последниот ден од тестовите кои се одржаа во Портимао. Тој постигна резултат кој беше за речиси една секунда подобар од останатите возачи.

Возачот на PATA Yamaha, Алекс Ловс, беше блиску до Реа за време на целиот тест. Сепак на крајот Реа одлучи да притисне повеќе и заврши со предност од 0.6 секунди. На 15 минути пред крајот на тестот, четири кратниот Светски шампион излезе на патеката со пневматици наменети за квалификации. Реа постигна резултат кој беше за само една десетинка побавно од квалификацискиот рекорд кој го постави Јуџин Лаверти на патеката во Португалија.На крајот, разликата со неговиот ривал од Kawasaki, Ловс се искачи на 0.959 секудни.

Дебитантот во серијата, Алваро Баутиста имаше трет најдобар резултат и покрај тоа што имаше проблем со задниот дел на неверојатно моќниот Panigale V4R. Поранешниот MotoGP возач го заврши тестот со заостанување од  1 секунда и 079 стотинки побавно од Реа.

Вториот возач на Kawasaki, Леон Хаслам, кој се уште се прилагодува на машината која има BSB спецификации, имаше четврто најдобро време откако заврши со заостанување од 1,2 секунди зад неговиот тимски колега.

Возачот на PATA Yamaha, Михаел ван дер Марк, тестот го заврши на петото место и на крајот се најде пред Том Сајкс, кој пак имаше добар настап со новиот BMW S 1000 RR.

Сандро Кортезе од GRT Yamaha беше седми, а зад него заврши неговиот тимски колега Марко Меландри. Топрак Разгатлиоглу од Puccetti Kawasaki како и вториот возач на BMW, Маркус Рајтенберг ги заокружија првите десет позиции.

Тежок настап имаше Чез Дејвис кој се уште се опоравува од повредата на грбот. На крајот тој заврши со заостанување од 2,5 секунди во однос на Реа.

Тимовите сега заминуваат за Австрија каде ќе се оддржи последниот тест.

1. Jonathan Rea – Kawasaki Racing Team 1’40.855
2. Alex Lowes – PATA Yamaha +0.959
3. Alvaro Bautista – Aruba Ducati +1.079
4. Leon Haslam – Kawasaki Racing Team +1.289
5. Michael van der Mark – PATA Yamaha +1.336
6. Tom Sykes – BMW Motorrad WorldSBK +1.391
7. Sandro Cortese – GRT Yamaha +1.614
8. Marco Melandri – GRT Yamaha +1.652
9. Toprak Razgatlioglu – Puccetti Kawasaki +1.682
10. Markus Reiterberger – BMW Motorrad WorldSBK +2.291
11. Chaz Davies – Aruba Ducati +2.506
12. Michael Rinaldi – Barni Ducati +2.979
13. Eugene Laverty – Go Eleven Ducati +3.095
14. Alessandro Delbianco – Althea Honda +4.030