WSBK

WSBK: Ернесто Маринели ќе го напушти Ducati

Шефот на Ducati Corse Superbike, Ернесто Маринели, ќе го напушти тимот по завршувањето на сезоната 2017, потврдија денеска од фабриката во Болоња.

Следете нè на:

 

Маринели му се приклучи на Ducati во 1995 година како инженер за патеките и соработуваше со Карл Фогерти и Нил Хадсон, пред да премине во AMA Супербајк програмата на Ducati во периодот од 1998 до 2000 година каде што соработуваше со Ентони Гоберт, Бен Бостром, Трој Бејлис и Џон Коцински.

ErnestoMarinelli

Откако се врати во Европа во 2001 година, тој работеше како инженер во Bostrom во Светскиот Супербајк шампионат пред да биде промовиран најпрво во технички директор во 2003, а потоа и во Проект Менаџер во 2010 година.

Во неговата кариера која трае веќе 20 години, Маринели допринесе во освојувањето на 5 светски титули, Нил Хадсон, Џејмс Тозланд, Трој Бејлис (2) и Карлос Чека, а исто така беше и дел од освојувањето на шест титули кај конструкторите, 2003, 2004, 2006, 2008, 2009 и 2011 година. Тој исто така му беше инженер на Трој Бејлис на легендарната трка во Валенсија во 2006 година.

„По 22 години воопшто не е лесно да се каже збогум и да се сврти друга страна. А тоа е уште потешко ако напуштате компанија каква што е Ducati. Но сепак, за секого од нас доаѓа период кога е потребен нов предизвик. Го напуштам Ducati но никогаш нема да заборавам дека тука имав голем број на незаборавни и успешни моменти, ја делевме пасијата, соништата и задоволствата но исто така и поразите, разочарувањата и проблемите.“

„Сите овие работи ја обликуваа мојата професионална кариера и ми помогнаа да научам дека „никогаш не смеете да се откажете“ не е само изрека туку стил на живот. Во однос на мојата иднина, одлучив да прифатам нов предизвик  но знам дека се што оставив зад себе засекогаш ќе има посебно место во моето срце. Голема благодарност до Ducati. Им благодарам на сите оние фантастични луѓе кои беа со мене во текот на годините. Има уште четири трки до крајот на мојата последна сезона во SBK, и тоа ќе биде дополнителна причина за мене да продолжам да се борам и да победиме заедно пред да се збогувам со моите колеги.“

Во однос на заминувањето на Маринели, извршниот директор на Ducati, Клаудио Доменикали, изјави: „Започнав да работам со Ернесто во 1995 година, годината кога тој се вработи во Ducati. Оттогаш научив да ги ценам неговите квалитети, посветеност и пасијата кон тркањето. Заедно делевме многу успеси но и разочарувања но никогаш не го видов да го загуби ентузијазмот . Под негово водство, Ducati постигна голем успех во Супербајк шампионатот и навистина ми е жал што одлучи да ја напушти нашата компанија по завршувањето на сезоната. Му посакувам голем успех и сигурен сум дека и во иднина ќе продолжи да го следи и поддржува Ducati.“

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.