WSBK

WSBK: Ники Хејдн ја оствари својата дебитантска победа

Ники Хејдн постигна победа на втората трката која се возеше на влажни услови на патеката Сепанг во Малезија.

Следете нè на:

 

Поранешниот MotoGP шампион, Ники Хејдн, ја оствари својата дебитанска победа во Светскиот Супербајк шампионат на трката во Сепанг која се возеше на влажни услови.

Американецот, кој својата последна победа ја постигна за време на шампионската сезона во 2006, беше во водство речиси во текот на целата трка.

Единствено пред крајот на трката, Хејдн се најде под притисок од возачот на Ducati, Давиде Џулиано кој исто така се обидуваше да ја постигне својата прва победа во шампионатот. Во последниот круг, тој се најде на само една секунда заостанување од возачот на Ten Kate Honda.

nicky hayden wsbk pobedaПрва победа за Хејдн во Супербајк шампионатот

Сепак, Хејдн успеа да ја зачува предноста во однос на Џулиано. Светскиот шампион Џонатан Реа на крајот заврши на третото место со заостанување од 3.7 секунди зад лидерот.

Со оваа победа, Хејдн стана шеснаесетиот возач на кого му успеало да забележи победа во MotoGP класата и во WSBK. Исто така ова е и првата победа за Honda од 2014 година.

Ривалот на Реа во борбата за титулата, Чез Дејвис, заврши на четвртото место, а веднаш за него беа Ентони Вест (Pedercini Kawasaki ), тимскиот колега на Хејдн, Михаел ван дер Марк и поранешниот MotoGP возач Алекс де Анџелис кој настапува за (Ioda Aprilia).

Победникот на првата трка Том Сајкс, падна од четвртото на осмото место, а на деветото и десетото место се најдоа Леон Камиер (MV Agusta) и Маркус Реитенбергер (Althea BMW).

Возачот на Pata Yamaha, Алекс Ловс доживеа пад и се верува дека има повреда клучната коска. Возачот на Milwaukee BMW, Карел Абрахам беше единствениот друг возач кој не успеа да ја заврши трката.

Предноста на Реа во однос на Дејвис сега се зголеми за 42 поени, а Сајкс заостанува 70 поени во однос на лидерот во шампионатот.

Би можело да ве интересира

Крузер линијата на Honda доби уште еден специјален модел за сезоната која престои. Станува збор за 2019 Honda Fury кој ќе се издвои од останатите модели по својот храбар дизајн и ретро изглед.

Без никакво сомневање, Италија би можела да се нарече центар на дизајнерските студија од целиот свет. Ајде одблизу да ја разгледаме Италијанската дизајнерска сцена на мотоцикли.

Гран При комисијата ги одложи до јуни задолжителните хомологациски правила за кацигите.

Во изминативе две години бевме малку изгубени, но сега знаеме по кој правец да се движиме и имаме поголем оптимизам – Валентино Роси.

Кал Кратчлоу вели дека воопшто не чувствува болка во зглобот кога е на мотоциклот но кога ќе се симне од него е друга приказна.

Новите надворешни додатоци на Yamaha и Ducati добија одобрување, вели техничкиот директор на MotoGP, Дени Олдриџ.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.