WSBK

WSBK: Red Bull Honda ќе вози во чест на Ники Хејдн

Red Bull Honda потврди дека трката која ќе се оддржи овој викенд во Донингтон парк ќе му ја посвети на Ники Хејдн.

Следете нè на:

 

Red Bull Honda потврди дека трката која ќе се оддржи овој викенд во Донингтон парк ќе му ја посвети на Ники Хејдн кој почина во понеделникот. Откако беше потврдена смртта на Хејдн, голем број на возачи од мотоспортот му одадоа признание на американецот.

Тимот на Red Bull Honda кој работеше со Хејдн откако тој  реши да премине од MotoGP во WSBK во 2016 година ќе настапи на трката која овој викенд ќе се оддржи во Донингтон парк во чест на својот трагично загинат возач.

PA2142056.0008

Во емоционално соопштение кое го испратија до медиумите, Роналд Тен Кате само го потврди големиот ентузијазам и пасија кој Хајден го донел во тимот.

„Ова е голем шок за мене, за тимот како и за целиот мото свет,“ изјави Тен Кате. „Имавме чест да работиме со Ники само една ипол година но го запознавме во неговото вистинско светло, онаката како што го претставија и неговите поранешни тимови. Фанатик за мотоцикли, вреден работник но пред се тој беше уникатен. Тој беше Ники.“

„Ќе ни недостига на сите нас и се надевам дека ќе им биде пример на сите идни возачи кое ќе се обидат да го постигнат сето она што го постигна Ники. Им изразуваме сочуство на неговата фамилија и на неговата вереница Џеки. Почивај во мир Ники Хејдн.“

Директорот за операции на Honda, Марко Чини, изјави дека Хејдн ќе му недостига на целиот тим.

„Се уште не ми се верува дека тој повеќе не е со нас. Тој не беше само извонреден возач туку и вистински пример за професионализам,“ изјави Чини. „Момчето од Кентаки беше вистински пример за вредностите на спортот.“

„Белегот кој го остави во мотоспортот ја покажува неговата вистинска пасија за мотоциклизмот и за тоа каква личност беше тој. Остави длабок траг кај сите мото ентузијасти.“

„Штета што работевме само осумнаесет месеци заедно. Кога го видов како се искачува на подиумот на патеката во Сепанг минатата година беше нешто навистина посебно. Исто така и подиумот во Лагуна Сека. Тој секогаш имаше дополнителен мотив кога возеше пред домашната публика. Ти благодарам за се, Ники. Засекогаш ќе се сеќаваме на тебе.“

Во чест на Хејдн и на неговата фамилија, тимот на Red Bull Honda се очекува да настапи само со Штефан Брадл на трката во Британија.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.