Проширената реалност полека но сигурно го наоѓа патот во нашите животи. Од дисплејот во вашиот скап автомобил, неуспешниот обид со Google очилата па се до неодамнешните нови кациги за мотоциклистите, најнова вест е дека сега таа ќе биде присутна и во гаражите на Aprilia.

Проширената реалност полека но сигурно го наоѓа патот во нашите животи. Од дисплејот во вашиот скап автомобил, неуспешниот обид со Google очилата па се до неодамнешните нови кациги за мотоциклистите, најнова вест е дека сега таа ќе биде присутна и во гаражите на Aprilia.

Aprilia Racing склучи договор со Realmore, бизнис единица на групацијата Equent Media, со цел да изработи софтвер кој ќе биде дел од паметната кацига DAQRI. Направата ќе треба да им помогне на механичарите за време на подготовката и оддржувањето на тркачките мотоцикли.

Со новата технологија, механичарите на Aprilia ќе можат да ја визуелизираат содржината поврзана со параметрите на мотоциклот и со иконографијата, а исто така, во реално време, таа реагира на внесените промени. На пример, техничарите можат да комуницираат со различните модели на конектори и да ги видат можностите за поврзување со тоа што ќе го видат секој конектор посебно. Ова ја забрзува постапката на поврзување а исто така ја намалува и можноста за грешки.

Со помош на 3Д холограм од целиот мотоцикл, механичарите ќе можат во реално време да ги видат податоците за температурата на водата, маслото и пневматиците. Тие ќе можат и да проценат кога ќе биде време за нивна промена.

Главниот механичар ќе може директно да комуницира со механичарите и да им помага при изборот на пневматици или пак колку гориво да внесат во мотоциклот. Уште една одлична функционалност е интегрираната термичка камера која овозможува да го скенирате мотоциклот и да ја видите температурата на маслото или пак да видите дали има некаква аномалија на мотоциклот.

Оваа технологија за прв пат почна да се употребува за време на MotoGP викендот кој се оддржа во Мисано од 8ми до 10ти септември.