Youtube ерата во која живееме им е голема корист на мото ентузијастите.

Најголемата платформа за видеа нуди огромен избор на материјали од тоа како да го поправите вашиот мотоцикл па се некои историски видеа. Ова ви го кажувам бидејќи неодамна најдов еден навистина интересен документарен филм посветен на првите 18 години на релито Дакар.

Филмот ни ја раскажува приказната за Тиери Сабин, француски возач кој игра голема улога во историјата на самото рели. Според приказната, Тиери се загубил за време на релито од Абиџан до Ница во 1977 година. Оваа несреќа го однела французинот на една неверојатна локација за оф роуд ентузијастите, односно место каде што ќе можат да ги тестираат своите но и способностите на своите мотоцикли. До крајот на декември истата година веќе беше организирана и првата трка од Париз до Дакар.

Тиери го посвети остатокот од животот во обид да го подобри настанот и да го искачи на нивото кое го има денеска. За жал, тој го загуби својот живот во хеликоптерска несреќа десет години по оддржувањето на првото рели. Бројот на возачи секоја година се зголемуваше, а со тоа и бројот на спонзори кои го поддржуваат настанот. Самото рели за многу кус период стана место на кое најпознатие компании ги промовираат своите машини. Навистина беше интересно натпреварувањето помеѓу моделите на Yamaha и BMW.

Покрај тоа што ќе можете да ја видите самата еволуција на трката, исто така добар дел е посветен и на развојот на машините кои се користени на релито. На пример, суспензијата се разви за краток период пред се благодарејќи на компетитивната природа на самото рели. Целокупната технологијата која беше искористена на релито исто така се разви за многу кус период, помошните возила, опремата за снимање како и GPS локаторот. И секако, да не ги заборавиме самите мотоцикли.

80 минутниот филм одлично ги спојува пасијата на сите оние кои се дел од релито како и проблемите при логистиката, природната средина како и физичкиот напор на кој се изложени натпреварувачите. Иако повеќе сакам кога возам на автопат, сепак морам да признаам дека овој документарен филм е навистина фасцинантен.