Занимливости

Отпад за мотоцикли кој им дава нов живот на старите мотори

Скриен од љубопитните погледи, во северниот дел на планината „Pleasant“ во САД се наоѓаат гробиштата на извитканиот метал и фаровите.

Следете нè на:

 

CMB MotorcycleGraveyard 02Сопственикот на отпадот со нетрпение го чека топењето на снегот

Скриен од љубопитните погледи, во северниот дел на планината „Pleasant“ во САД се наоѓаат гробиштата на извитканиот метал и фаровите. 

Отпадот за мотори и моторни санки успешно се разви во изминативе години под раководство на Стивен Томпкинс, претседател на компанијата која раководи со отпадот.

„Веројатно е еден од најголемите во државата,“ изјави Томпкинс. „Има помеѓу 7.000 и 8.000 мотори и санки.“

На почетокот на седумдесетите, татко му на Томпкинс го отворил отпадот. Неговата цел пред да се пензионира била тој да има големина од 40 хектари.

CMB motorcyclegraveyard 01-300x200По 32 години работа на отпадот, Дејв Рајкман, кој сега работи како менаџер за продажба, се сеќава колку беше голем кога прв пат го виде.

„Тој само се зголемува,“ изјави Рајкман. „Кога прв пат започнав тука, можеби имаше само 4 хектари на кои имаше делови. Сега има 10-на хектари покриени само со делови.”

Местото постојано се менува.  Доаѓаат стари модели кои се веќе максимално искористени.

„Можете да одите таму секој ден и постојано да наоѓате нешто ново,“ изјави Рајкман. „Мислам дека никогаш не сум отишол во истата област два пати.“

Кога клиентот ќе го посети отпадот, го испраќаме во вистинската насока и тој разгледува се додека не го пронајде она по што дошол.

Нормално, на отпадот можете да најдете делови кои ги нема во продавниците. Само треба да барате внимателно. Тука има делови од секакви мотоцикли.

Со четири до пет вработени, зимата е најзафатениот период од годината заедно со првиот дел од пролетта кога мотоциклите повторно почнуваат да се возат. Понекогаш дури и дилерите на мотоцикли доаѓаат на отпадот.

„Првично започнавме само со санки за снег, но моравме да имаме нешто и во текот на летото,“ изјави Томпкинс. „Ги додадовме и мотоциклите за никој да не мора да бара нова работа кога ќе дојде Јуни.“

Сепак, кога зимата ќе се задржи толку долго како оваа година, времето ни претставува проблем бидејќи отпадот не е покриен.

„Тоа влијае на нас. Доколку има многу снег тешко дека ќе можете да најдете нешто. Плус ако е многу лошо времето, клиентите не излегуваат,“ изјави Рајкман.

Рон Конер, жител на градчето Cedar Lake, е клиент кој доаѓа на отпадот веќе дваесет години. Тој изјави дека добро го познава отпадот бидејќи долго време поминал барајќи делови за косилки за трева.

„Тие имаат се што ви е потребно и тоа ми се допаѓа. Прв пат слушнав за ова место од мојот зет,“ изјави Конер.

Рајкман ужива кога може да му помогне на некого кој почнува проект од нула. Некои луѓе кои повторно доаѓаат, носат слики од работите што ги направиле.

„Имаше еден дечко кој дојде само со дел од издувниот вентил и ми кажа дека сака да направи моторцикл, се присетува Рајкман. Му кажав дека започнува од погрешен дел.“

Како ситните делови кои им даваат живот на мотоциклите, Томпкинс изјави дека бизнисот се прилагодил на бавната економија и ги направил потребните промени.

Ваков отпад во Македонија би бил одлично место за пронаоѓање на оние делови за постари мотоцикли до кои е невозможно да се дојде, но од друга страна, имајќи ги во предвид цените на мотоциклите кај нас, сигурни сме дека нема да успее.

Извор: „MotorcycleNews.com

 

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.