MotoGP

MotoGP: Бартоломју и Marc VDS постигнаа договор

Господинот ван дер Стратен сега ќе ја преземе лидерската позиција во Marc VDS

Следете нè на:

 

Постигнат е договор за разрешување на менаџерскиот конфликт во Marc VDS. Во индина, сопственикот на тимот, Марк ван дер Стартен ќе го преземе управувањето со екипата, а досегашниот шеф Михаел Бартоломју ќе си замине.

Сепак, сѐ уште не е познато дали Marc VDS и следната сезона ќе биде дел од MotoGP класата бидејќи има гласини дека тимот сака да се посвети исклучиво на својата победничка екипа која ја имаат во Moto2 серијата.

motogp gp of the americas 2018 michael bartholemy estrella galicia 0 0 marc vds team princ 8385468Досегашниот шеф Михаел Бартоломју ќе си замине од тимот

Исто така има гласини дека Бартоломју би можел да биде дел од новиот сателитски Yamaha MotoGP проект кој има големи шанси да биде составен дел или на VDS или на Aspar.

Во продолжение прочитајте го целосното соопштение што го испратија од VDS.

„Господинот Марк ван дер Стратен и господинот Михаел Бартоломју денеска постигнаа заеднички договор за прекин на соработката. Ваквата одлука се должи на различните пристапи во стратегијата. Изминативе неколку недели беа тешки за сите кои беа дел од Marc VDS Racing и тоа не дефокусирааше од нашата основна цел, а тоа е победувањето на трките. Со овој договор, одново ќе можеме да се фокусираме на нашата главна цел,“ изјави ван дер Стратен.

Како што изјави ван дер Стратен, при носењето на ваквата одлука воопшто не биле земени во предвид обвинувањата кои се појавија во медиумите, пред се во однос на можната проневера која ја направил Бартоломју.

„Во осум години колку што поминавме заедно, Марк и јас постигнавме многу, освоивме две титули и го етаблиравме Marc VDS Racing тимот како еден од најуспешните и најсилните. Навистина сум горд поради тоа,“ изјави Бартоломју.

„Сепак, ниту едно партнерство не трае вечно и денеска одлучивме да заминеме по различен пат. Со нетрпение чекам да почнам со работа на некој нов предизвик и би сакал на Марк и на целиот тим да им посакам голем успех во иднина. “

Господинот ван дер Стратен сега ќе го преземе управувањето со тимот и ќе се обиде да дојде до третата титула во Moto2 шампионатот.

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!