Остануваат на сила плановите за оддржување на MotoGP тестот во Сепанг следниот месец. На истиот настан, Petronas Yamaha ќе го престави тимот за сезоната 2021.

Иако се уште се чека официјално одобрување од страна на Малезиската влада, останува планот следниот месец да се оддржи MotoGP тестот во Сепанг. На истиот настан, Petronas Yamaha најави и дека ќе ги престави машините со кои ќе настапат во 2021 година.

Доколку се оддржи тестот, тој ќе биде прв кој се случува надвор од Европа од почетокот на пандемијата.

Сепак, во земјата на сила е забрана за влез на странци кои немаат дозвола а исто така има и задолжителен карантин. За да може да се оддржи тестот според планираното, одделот за имиграција треба да им издаде специјално одобрување на MotoGP возачите.

За да ја добијат дозволата, екипите очекуваат протоколи кои ќе бидат слични на оние кои беа воведени минатата сезона, вклучувајќи ПЦР тест пред и по стигнувањето во државата како и ограничување на движењето.

Ваквите протоколи ќе бидат применети и за време на официјалното преставување на Petronas Yamaha кое ќе се оддржи на патеката во Сепанг по завршувањето на официјалниот тест.

На презентацијата, на која ќе бидат преставени Валентино Роси и Франко Морбидели и каде ќе биде откриен новиот 2021 YZR-M1, најверојатно нема да биде дозволен пристап за медиумите. Според информациите, целиот настан ќе може да се следи онлајн.

После Сепанг, вториот и финален тест ќе се оддржи во Катар од 10-ти до 12-ти март. На истата патека на 28-ми март е закажана и првата трка од сезоната, иако првичниот календар кој можете да го погледнете подолу сигурно ќе претрпи промени со оглед на порастот на бројот на заболени со Ковид 19.