Отежнатите услови на Асен не му ги поматија на актуелниот Светски шампион Марк Маркез кој дојде до осмата победа во осмата трка од сезоната.
Отежнатите услови на Асен не му ги поматија на актуелниот Светски шампион Марк Маркез кој дојде до осмата победа во осмата трка од сезоната.
Стартот на трката на патеката Асен во Холандија доцнеше заради дождот кој започна да паѓа непосредно пред самиот почеток. Возачите добија два загревачки круга во кои имаа прилика да ги проверат моторите со гуми за суво и оние за дожд по што дојде време за стартот на трката. Во целата мешаница Валентино Роси од четворицата вонземјани излезе со најлоша проценка бидејќи ги замени сликовите со гуми за мокро пред стартот, па мораше да стартува од пит стопот, како 12-то место на квалификациите да не беше доволно лошо за него.
Проценката на Маркез за трката се покажа како најдобра, 26-те круга во Асен му ја донесоа 8-та победа во сезоната и максимални 200 поени во сезоната. Трката иако не започна онака како што сите се надеваа заради дождот, сепак донесе возбудување во 7-от круг кога возачите ги променија моторите.
Маркез кој изјави дека не му се важни рекордите денеска успеа да изедначи уште еден, возач кој успеал да победи на првите осум трки во сезоната по 1971 година, кога истото му успеа на Џакомо Агостини.
Трката беше возбудлива и за фановите на Дукати, Андреа Довициозо успеа по втор пат во сезоната да се искачи на подиумот, овојпат на втората позиција која сосема заслужено е во негови раце. Педесталот го дополни Дени Педроса кој успеа да се избори за третата позиција со Алеш Еспрегаро.
Возачот на „NGM Forward Racing“ тимот во чии раце беше пол позицијата во Асен прикажа одлична трка, четврта позиција која само ја потврди неговата одлична форма. Зад Еспергаро целната линија ја помина Валентино Роси кој успеа да дојде до петтата позиција иако стартуваше од боксот. Возачот на „Movistar Yamaha“ тимот повторно прикажа одлично возење кое потсетува на стариот Роси но сеуште не е доволно добро да дојде до врвот. Неговиот клубски колега Хорхе Лоренцо од друга страна пак имаше катастрофална трка која ќе сака да ја заборави што поскоро, откако успеа да дојде само до 13-та позиција во Асен.
Резултати од денешната трка:
Поз. | Поени | Бр. | Возач | Земја | Тим | Мотор | Време |
---|---|---|---|---|---|---|---|
1 | 25 | 93 | Marc MARQUEZ | SPA | Repsol Honda Team | Honda | 43'29.954 |
2 | 20 | 4 | Andrea DOVIZIOSO | ITA | Ducati Team | Ducati | +6.714 |
3 | 16 | 26 | Dani PEDROSA | SPA | Repsol Honda Team | Honda | +10.791 |
4 | 13 | 41 | Aleix ESPARGARO | SPA | NGM Forward Racing | Forward Yamaha | +19.199 |
5 | 11 | 46 | Valentino ROSSI | ITA | Movistar Yamaha MotoGP | Yamaha | +25.813 |
6 | 10 | 29 | Andrea IANNONE | ITA | Pramac Racing | Ducati | +29.003 |
7 | 9 | 19 | Alvaro BAUTISTA | SPA | GO&FUN Honda Gresini | Honda | +30.882 |
8 | 8 | 38 | Bradley SMITH | GBR | Monster Yamaha Tech 3 | Yamaha | +30.985 |
9 | 7 | 35 | Cal CRUTCHLOW | GBR | Ducati Team | Ducati | +44.031 |
10 | 6 | 6 | Stefan BRADL | GER | LCR Honda MotoGP | Honda | +48.662 |
11 | 5 | 23 | Broc PARKES | AUS | Paul Bird Motorsport | PBM | +51.863 |
12 | 4 | 45 | Scott REDDING | GBR | GO&FUN Honda Gresini | Honda | +1'00.329 |
13 | 3 | 99 | Jorge LORENZO | SPA | Movistar Yamaha MotoGP | Yamaha | +1'04.641 |
14 | 2 | 17 | Karel ABRAHAM | CZE | Cardion AB Motoracing | Honda | +1'05.980 |
15 | 1 | 9 | Danilo PETRUCCI | ITA | Octo IodaRacing Team | ART | +1'17.611 |
16 | 7 | Hiroshi AOYAMA | JPN | Drive M7 Aspar | Honda | +1'19.753 | |
17 | 69 | Nicky HAYDEN | USA | Drive M7 Aspar | Honda | +1'27.630 | |
18 | 8 | Hector BARBERA | SPA | Avintia Racing | Avintia | +1'28.142 | |
19 | 68 | Yonny HERNANDEZ | COL | Energy T.I. Pramac Racing | Ducati | 1 круг | |
20 | 63 | Mike DI MEGLIO | FRA | Avintia Racing | Avintia | 1 круг | |
21 | 70 | Michael LAVERTY | GBR | Paul Bird Motorsport | PBM | 1 круг | |
22 | 5 | Colin EDWARDS | USA | NGM Forward Racing | Forward Yamaha | 3 круга | |
Без пласман | |||||||
44 | Pol ESPARGARO | SPA | Monster Yamaha Tech 3 | Yamaha | 8 круга |