Хорхе Лоренцо излезе како победник на хаотичната суво-мокра трка која денеска се одржа на патеката Арагон во Шпанија.

Хорхе Лоренцо излезе како победник на хаотичната суво-мокра трка која денеска се одржа на патеката Арагон во Шпанија.

Во драматичната трка, Валентино Роси и Андреа Ианон претрпеа тешки падови додека патеката беше сува, за откако започна да врне истата судбина да ги снајде и Марк Маркез и Дани Педроса.

Лоренцо се запиша како победник на денешната трка со предност од 10 секунди пред второпласираниот Алеш Еспергаро. Тој направи одлична проценка на временските услови и направи замена на моторот со оној за дожд на четири круга до крајот, а потоа сите возачи беа приморани да ги заменат моторите откако дождот започна поројно да паѓа.

Заради лошите услови и Андреа Довициозо доживеа пад пред да го промени моторот заради кој заврши во болница. Возачите на Хонда, Дани Педроса и Марк Маркез се обидоа да останат до крајот на слик гуми, но најпрво Педроса, а потоа и Маркез се лизнаа на патеката која беше премногу мокра за мазните гуми, па на крајот финишираа на 13-та и 14-та позиција.

Во првите пет се запишаа и Штефан Брадл како и Бредли Смит кој целната линија ја помина пред својот клубски колега Пол Еспергаро за само 0.203сек.